Nanna
D Nanna isch i de nordische Mythologii d Frau vom Gott Baldr gsii.
d Nanna i de Edda
[ändere | Quälltäxt bearbeite]D Nanna isch i de Edda und bi de Skalde d Tochter vom Nepr und somit d Grosstochter vom Gott Odin. Si het de Baldr ghüroote und isch dör en d Muetter vom Götterrichter Forseti wore. Wo de Hödr und de Loki en tötet hend, isch es zunere pompöse Bierdigung choo. Wo de Thor de Schitterhuufe azunde het, wo de Baldr uf sim Schif uufbaart woren isch, isch s Herz vo de Nanna broche und si isch tot zämebroche und ufem Schiff nebet em Baldr bettet wore. Wo de Hermodr zu de Totegöttin Hel gritten isch, het er ai Nacht bim Baldr und bi de Nanna i de Totewelt verbroocht. Debii het si em e Chopftuech för d Frigg und e goldige Fingerring för d Fulla mitgee.
d Nanna bim Saxo
[ändere | Quälltäxt bearbeite]De dänisch Historiker Saxo Gramaticus het d Gschicht vo de Nanna andersch verzellt. Deno isch d Nanna d Tochter vom König Gevarus gsii. De schwedisch König Høtherus und de Gott Balderus hend sich i si verliebt. Si aber het sich för de Høtherus entschide, well si as e Sterblichi Frau nöd het wöle miteme unsterbliche Gott zämesii. Drufabe isch es zum Chrieg choo, wo de Høtherus mit Hilf vo zauberchundige Fraue het chöne de Balderus töte.
Büecher
[ändere | Quälltäxt bearbeite]- Rudolf Simek: Lexikon der germanischen Mythologie. Stuttgart (2006).ISBN 3-520-36803-X