Marco Misciagna

De Marco Misciagna (2011)

De Marco Misciagna (* 5. Februar 1984 z Bari) isch e italiänische Bratschist und Giiger.

De Marco Misciagna het mit 15 Jahr es Diplom für Giige und Bratsche am Konservatorium N. Piccinni z Bari gmacht und spöter het er s Diplom a dr Accademia Nazionale di Santa Cecilia z Rom becho. Er het bim Corrado Romano und bim Đorđe Trkulja (ehemals erschte Giiger vom Quartett vo Zagreb) studiert. Er het wiiter bim Salvatore Accardo a dr Accademia Stauffer z Cremona, bim Boris Belkin und bim Jury Bashmet a dr Accademia Chigiana z Siena studiert, wu er zwöi Ehre-Diplom becho het und zwöimol dr Monte dei Paschi di Siena-Priis gwunne het als beschte Giiger und beschte Bratschist i dr Schuel (z erschtmol i dr Gschicht vo dr Akademii).

De Marco Misciagna isch mehri Jahr Solist bim Malaga-Striichorchester gsi und het i wichtige Konzerthallene und mit internationalen Orchester gspillt.

Er isch Ehreprofässer am Staatliche Konservatorium S. Rachmaninov z Tambov, an dr Kunstakademie vom Färnen Oste z Wladiwostok (Russland), am Höchere Musikinstitut vo Sousse (Universität vo Sousse, Tunesie), am Konservatorium Esteban Salas z Santiago de Cuba, a dr Pettman National Junior Academy of Music (Auckland, Nöiseeland), und am Staatliche Konservatorium Komitas z Jerewan (Armenie).

Im Jahr 2018 het er d Goldmedaille vom Vizeministerpresidänt vo dr Ukraine zur Fiir vom 150. Jubiläum vom Operehuus Kiew becho. Er het au zwöi Goldmedaille bi de Global Music Awards z Kalifornie i de Kategorie Klassik und Duo gwunne.

Weblink

 Commons: Marco Misciagna – Sammlig vo Multimediadateie

• Offizielli Websyte

Einzelnochwiis

Dä Artikel basiert uff ere fräie Übersetzig vu dere Version vum Artikel „Marco_Misciagna“ vu de albanische Wikipedia. E Liste vu de Autore un Versione isch do z finde.