Madesimo
Madesimo | ||
---|---|---|
![]() |
||
Staat: | Italie | |
Region: | Lombardei | |
Provinz: | Sondrio (SO) | |
Koordinate: | 46° 26′ N, 9° 21′ O | |
Hechi: | 1.550 m s.l.m. | |
Flechi: | 85 km² | |
Yywohner: | 530 (31. Dez. 2022)[1] | |
Bevelkerigsdichti: | 6 Yyw./km² | |
Poschtleitzahl: | 23024 | |
Vorwahl: | 0343 | |
ISTAT-Nummer: | 014035 | |
Demonym: | Madesimini | |
Website: | Madesimo |
Madesimo (im yheimische Tieläkt: Madesan) isch e Gmeind i dr iteliänische Provinz Sondrio.
Geografii und Gschicht
[ändere | Quälltäxt bearbeite]S Dorf Madesimo sälber lyt im Daal vom Scalcoggiabach. Im Südoschte vom Dorf, also uf dr lingge Syte vom Daal, stoot dr Bärg Pizzo Groppera. Am Ändi vom Daal, öppe sächs Kilometer oberhalb vom Dorf, goot dr Fuesswääg am Emetsee verby über de Emetpass, wo uf dr Landesgränze vo Italie und dr Schwiiz isch, is bündnerische Innerferrera übere. S Scalcoggiadaal isch es Sytedaal vom San Giacomo- oder Splüügä-Daal, wo em Fluss Liro noche d Strooss ufe Splüügepass, di iteliänischi Staatsstrooss 36, duregoot. Dr ober Abschnidd vo dere Passstrooss und d Cardinelloschlucht mit em alte Saumwääg liged uf em Gebiet vo Madesimo, und uf dr Passhöchi isch wider d Landesgränze. Ännet em Pass chunt me uf Splüügän abe. Im Weschte cha mer z Fuess vo Isola us über d Borghetto-Alp und de Balnischpass is Misox goo. Uf dr Weschsyte under em Pass ghört d Alpweid Serraglia au zu Madesimo, au wenn dr Bärgbach, dr Ri di Seda, vo dört us is Misox in Fluss Moesa abelauft.
D Gmeind het früener Isolato gheisse; no vil früener, bis ane 1815, isch s ganze Val San Giacomo nume ei einzegi Gmeind gsi, und Madesimo isch en Gmeinddrittel drvo gsi, dr Terziere di dentro di Isola. D Gmeind het hütte d Dörfer und Wyyler Madesimo, Isola, Montespluga, Stuetta, Palude, Casone, Rasdeglia, Stabisotto und Pianazzo. D Nochbergmeinde vo Madesimo sind: Campodolcino, Ferrera, Mesocco, Plurs, Rhywald und Sufers.
Madesimo het zäme mit dr Gmeind Campodolcino im Gropperodaal es Schygebiet.
Uf em Pizzo Groppera het dr Roger Schawinski zerscht sid ane 1979 dr Sänder vom Radio 24 gha.
Lüüt
[ändere | Quälltäxt bearbeite]- D Familie vom Johann Heinrich Pestalozzi isch ursprünglig vo Madesimo gsii.
Bilder
[ändere | Quälltäxt bearbeite]-
Montespluga
-
d Cardinelloschlucht
-
Isola
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fuessnote
[ändere | Quälltäxt bearbeite]- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.