Honda X8R

D Honda X8RX isch en Motoroller vom japanischä Hersteller Honda, wo nümmä in Produktion isch. Si i zwei verschiedene Versionä abotä wordä. Bim X8R handlets sich um en sogenanntä Sportroller, wo sich ganz bsundrigg bi jugendliche Fahrer an ere grossä Beliebtheit erfreut het. D Versionä unterscheidät sich technisch nur i gringfüegigä Details, optisch aber relativ starch.

Honda het versucht en Roller als en Art chlinä Brüeder vo dä Supersportmotorräder zum positionirä, wa nie wirkli glunge isch. Sini gross Beliebtheit isch eher sinere grossä Zuverlässigkeit so wie dä praktischä Eigäschaftä sowie em gringä Benzinverbruch, relativ guetem Wetterschutz und viel Staurum sowie dä gfälligä Optik z verdanke. Eher untypisch für en Sportrollär sin s'komfortbetonti Fahrwerk sowie dä verglichswiis leischtigsstarkem Motor. Allerdings isch bi viel Fahrzüg im letzere Punkt durch jugendlichi Fahrer narbesseret wordä. Au hüt no isch dä X8R bi Rollertuner beliebt.

X8R-S

Dä X8R-S (S stoht da eifach nur für Sprot) stellts Normalmodell vom X8R dar und isch drum hüfiger vertretä als s'X-Modell. Er isch i dä normalä Usführig mit em Sponsore-Ufchleber vo dä jewiligä Honda-GP-Rennmaschinenä vom aktuelle Jahr usglifärät wordä. Es het au einigi Sondermodell geh, weli optisch a d'Rennmaschinä vo einzelnä Honda Werkspilotä aglehnt wordä sind.

X8R-X

Dä X8R-X stellt en Art Hybrid us Sportroller und Supermoto-Motorrad dar. Er isch als Replica vo dä Honda-Supermoto Rennmaschinä agluegt wordä und entsprechend beworbä wordä. Dä Rollär het e sehr aggressivi Optik, weli mit em schwarz-gelbä Design (au in anderä Farbä erhältlich) an ä Hornissä erinneret het.

S'X i dä Modellbezeichnig stoht symbolisch für cross(zu Dütsch Kreuz). Optisch unterscheidät dä X sich vom S durch sini Farbgebig und d'Schriftzüg. Er isch usserdem mit chlinärä Räder usgrüstet wordä, weg dem isch s'Endgetriebe vom X mit dä Normalusführig(S) nöd identisch.

Technischi Datä

Leergwicht: 98kg
Zuelässigs Gsamtgwicht: 278kg
Zulässigi Höchschtgschwindigkeit i dä Schwiiz 75km/h (undrosslät).
Felgegrössi:
- X8R-S: Vornä: 13M/C x MT 3.00
- X8R-S: Hinä: 13M/C x MT 3.75
- X8R-X: Vornä und Hinä: 12 x MT 3.00
Grössebezeichnig vo dä Reifä:
- X8R-S: Vornä: 120/70-13 M/C 53J
- X8R-S: Hinä: 140/60-13 M/C 57J
- X8R-X: Vornä und Hinä 120/80-12 55J
Azahl Sitzplätz: 2
Standartgrüsch: 81 dB (A) bi 3375 U/min
Fahrgrüsch: 71 db (A)
Hubraum: 49ccm
Leischtig: 4PS/2.9kW bei 6750 U/min (bi dä 50km/h Usführig)
Tankinhalt: 6Liter
Verbruch: 3.3-4.0 Liter/100 Kilometer
Verwendbari Tribstoffä: Mindestens 91 Oktan(Normalbenzin- Bleifrei)

Es chönnt au Super bleifrei 95 Oktan oder au Super Plus Bleifrei tankt werde, d'Uswürkig isch allerdings sehr gring, wenn überhaupt spürbar. Für e suberi Verbrennig wird Super Bleifrei empfohlä.

Dä Artikel basiert uff ere fräie Übersetzig vu dere Version vum Artikel „Honda_X8R“ vu de dütsche Wikipedia. E Liste vu de Autore un Versione isch do z finde.