Hellenebund
Hellenebund isch e modärni Bezäichnig für d Symmachii, wo 481 v. d. Z. vo meerere freie griechische Poleis zur Abweer gege s Riich vo de Perser gründet worde isch. Im Ganze si 31 griechischi Stedt Mitgliid gsi, usser Athen, Sparta und Korinth alli eender umbedütend. Wichdigi Stedt und Gebiet wie Argos, Thebe, Thessalie und die italische Grieche häi nid mitgmacht. Noch de Siig in de Schlachte vo Salamis (480 v. d. Z.), Plataiai (479 v. d. Z.) und Mykale (479 v. d. Z.) het sich s Bündnis, wo formal under dr Füerig vo Sparta gstande isch, afo uflööse.
Wil sich d Spartaner gwäigeret häi, dr Schutz vo de Grieche in Chläiasie z übernee, isch s 478/77 v. d. Z. zum Hegemoniiwäggsel vor Byzanz choo und zur Gründig vom attische Seebund, wo vo Athen aagfüert worde isch. Das isch dr Aafang vo dr Riwalidäät zwüsche Athen und Sparta gsi, wo schliesslig zum Peloponnesische Chrieg gfüert het.
Litratuur
[ändere | Quälltäxt bearbeite]- Hans-Joachim Gehrke, Helmuth Schneider (Hrsg.): Geschichte der Antike. Ein Studienbuch. Stuttgart 2006, S. 146-147. ISBN 3476020746.
- Karl-Wilhelm Welwei: Das klassische Athen. Demokratie und Machtpolitik im 5. und 4. Jahrhundert. Darmstadt 1999, ISBN 3896781170.
|
Dä Artikel basiert uff ere fräie Übersetzig vum Artikel „Hellenenbund“ vu de dütsche Wikipedia. E Liste vu de Autore un Versione isch do z finde. |