Eglisee
| Dialäkt: Baseldütsch |
Dr Eglisee bezeichnet e früehners Gwässer im Hirzbrunne-Quardier am Rand vo dr Schwiizer Stadt Basel und an dr Gränze zur Agglomerationsgmeind Rieche. Hüte isch s as «s Eglisee» dr Name vom ene Sportareal mit Gartebad- und Kunstiisbahnaalage.
Dr Eglisee het ursprünglig „Egelsee“ gheisse und isch e Walddümpel gsi, wo sich Bluetegel und Schnoogge din gsammlet hai. Er het aso nüt z due mit em Usdruck „Egli“, wo in dr Schwiiz für e Flussbarsch bruucht wird. Nochdäm die Langen Erle am Ändi vom 19. Johrhundert zum ene Erholigsgebiet usbaut worde si, isch 1910 am Ort vom Eglisee e Luft- und Badaastalt ufdoo worde, wo vo 1930 bis 1931 zum hütige Gartebad worden isch.
D BVB bedriibe bis hüte d Haltestell „Eglisee“ für d Dramlinie 2 und 6 und früehner au für d Buslinie 39, wo aber abgschafft worden isch. Usserdäm befindet sich do d Ändstation vo dr Linie 2 mit ere Ändschlaufe und ere Abstellaalag vo dr BVB.
Koordinate: 47° 34′ 15″ N, 7° 36′ 57″ O; CH1903: 613335 / 268918