Eduard Albert Meier

De Eduard Albert «Billy» Meier

De Eduard Albert Meier (* 3. Februar 1937 z Büüli), au bekannt als Billy Meier, isch en Schwiizer Schriftsteller.

Läbe

De Billy Meier isch als zweits Chind in ere Familie mit insgesamt siebä ide nöchi vo Züri uf d Wält cho. Er het im Kanton Züri d Schuele bsuecht.

Er isch dänn vill uf Reise gsi und öpe i d Länder Jordanie und Indie gange. Bimee Busunfall ide Türkei het er 1965 sin linggi Arm verloore und bezücht sit dem en IV-Rente. Eis Johr spöter het er e Griechin ghüroote; mit dere het er drü Chind. Und er hät no eis wiiteres Chind us ere andere Eh.

Wärch

De Meier bhauptet, er heig Kontakt zu «extraterrestrische Weese», de «Plejare». Mit dene will er sich über spirituelli, philosofischi Themene, aber au Problem uf dere Wält unterhaltä haa. Sin Kontakt zu dere Gruppe het aageblich im Chindheitsalter vo öppe füüf Johr agfangä. Er isch de Gründer vo de "Freie Interessengemeinschaft für Grenz- und Geisteswissenschaften und Ufologiestudien", dere ire Sitz isch bi sim Wohnort z Hinterschmidrüti.

Sini Schrifte gheisset:

• Arahat Athersata 1975
• Talmud of Jmmanuel: The Clear Translation in English and German. ISBN 0-926524-12-7
• Die Wahrheit über die Plejaden ISBN 978-3-931652-07-4
• Through Space and Time: A Photo Journal of Billy Eduard Albert Meier ISBN 0-9711523-5-7
• Message from the Pleiades, Vol. 1: The Contact Notes of Eduard Billy Meier ISBN 0-934269-14-9
• Message from the Pleiades, Vol. 2: The Contact Notes of Eduard Billy Meier ISBN 0-934269-24-6
• Message from the Pleiades, Vol. 3: The Contact Notes of Eduard Billy Meier ISBN 0-934269-28-9
• Message from the Pleiades, Vol. 4: The Contact Notes of Eduard Billy Meier ISBN 0-934269-30-0

Es git vil Lüüt, wo em Meier sini Arbet kritisieret, so öpe dr Kal K. Korff.

Kontakt

Luut em Billy sinere Uussage het er sin erschte Kontakt mit extraterreschtrische 1942 gha. Mit dene Wese het er aageblich persönliche Kontakt gha, sowohl als au telepathische Kontakt.

Dia Wesa sölled ihn aagleitet ha, Fotis, Videos, Grüüschuufnahme und anderi derartige "Bewiis" z'erbringe, so het er schiins nur Fotis mache dörfe wenns ihm t'Plejader erlaubt hend.

En ultimative Bewiis für t'Existenz vo de Plejader selber gits nöd - es hend sich nie anderi Persone bim Billy sinere Uufnahme beteilige dörfe ufgrund vom "Prinzip der Nichteinmischung".

Kontroversä

Eis vom Billy sinere gwichtigschte Argument sind sini Sammlige a Film- und Fotiuufnahme. So het er sit de 1970er mit sim Fotiapperat und ere Super 8 Kamera e uusfüehrlichi Sammlig erstellt. Obwohl t'Fotis vo villne als Fälschige betitelt worde sind, gits immer no kei plausibli Erchlärig wie er die Fotis oder Videos bearbeitet het - er salber het nur ein Arm zur Verfüegig gha und kei Computer Programm - e Analogi Fälschig wär ebefalls so uufwendig wia kompliziert für dia damalige Ziite.

Einigi Publikatione vo ihm sind allerdings sehr fragwürdig - so het er es Foti vo sinere aagebliche Kontaktperson "Asket" veröffentlicht. Dia Frau uf dem Foti het allerdings starchi Ähnlichkeite mit ere Dame vo de "Dean Martin Show". Gegner vom Billy gönd devo uus er het sie eifach vom Fernseher abfotografiert - er selber isch de Überzügig das sis Original-Foti ustuuscht worde isch vo de "Männer in Schwarz".