Dietlike
| Dialäkt: Züritütsch |
| Dietlike | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Büüli |
| BFS-Nr.: | 0054 |
| Poschtleitzahl: | 8305 |
| Koordinate: | 689102 / 252833 |
| Höchi: | 445 m ü. M. |
| Flächi: | 4,26 km² |
| Iiwohner: | 7855 (31. Dezämber 2022)[1] |
| Website: | www.dietlikon.ch |
 Reformierti Chile | |
| Charte | |
 | |
Dietlike oder Tietlike (amtlich Dietlikon) isch e politischi Gmäind im Bezirk Büüli im Kanton Züri, Schwiiz.
Geografi
[ändere | Quälltäxt bearbeite]Dietlike liit am Rand vom mittlere Glattaal. S Piet vo de Gmäind umfasst 21,3 % landwirtschaftlichi Flèchi, 30,6 % Wald, 38,2 % Sidligsflechi, 9,2 % Vercheersflechi und 0,2 % Gwässerflechi.[2]
Gschicht
[ändere | Quälltäxt bearbeite]D Gmeind Dietlike isch wie mer glaubt vomene Allemaa Namens Dietelo gründet worde. Di erscht Urkund wo Dietlike erwähnt schtammt us m zwölfte Jarhundert (1124 als Dietlinchoven). Aber mer hät au scho e Nadle usm 15. bis 10. Jarhundert v. Chr. gfunde. S'Problem isch nume das mer sus nöd vil wäiss. Füfzähzwänzg isch Dietlike dän Reformiert worde.
Sache vo Früener womer na händ
[ändere | Quälltäxt bearbeite]Nuna es paar Hüüser erinnered as Läbe vor achzähhundert so zum Bischpil s Häfelfingerhuus wo na föllig mit augemass ufbout worde isch oder de alt Speicher im Dorfchärn usem 16te Jarhundert abgseh vo dene Gebäud (und na es paar andere) gits nüme sovil Sache us de eltärä Zit. Öppis vo früener isch zum Bischpil na e alti Kanzle wo scho im Jahr 1947 mit 3700Fr. versicheret isch gsi und äs Fotiarchiv (im Bertea Dorfträff) mit Bilder us em 20.ischte Jarhundert aber äs hät au elteri Bilder vo vor 1899. Zuädam häts i dem Archiv au na ä alti Züricharte.
Bevölkerigsentwicklig
[ändere | Quälltäxt bearbeite]Quälle: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 445 | 412 | 437 | 386 | 427 | 565 | 664 | 746 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 856 | 923 | 1205 | 2048 | 4381 | 5310 | 5885 | 6281 |
De Uusländeraatäil liit bi 22,3 % (Stand 2011).[2]
Religion
[ändere | Quälltäxt bearbeite]32,8 % vo de Iiwooner sind evangelisch-reformiert, 30,3 % sind römisch-katholisch (Stand 2011).[2]
Politik
[ändere | Quälltäxt bearbeite]Bi de Kantonsraatswaale 2011 hät s das Ergebnis ggee:[2] BDP 11,4 %, CVP 3,0 %, EDU 2,6 %, EVP 1,7 %, FDP 12,0 %. GLP 11,0 %, GP 5,7 %, SP 22,1 %, SVP 29,1 %, Suschtigi 1,5 %.
Gmäindspresidänt isch de Kurt Schreiber (Stand 2012).
Wirtschaft
[ändere | Quälltäxt bearbeite]Z Dietlike het s vil Gwärb we zum Bischpil de Mediamarkt oder de Ikea. Es git z Dietlike drü Schuelhüüser und vili Naherholigsgebiet we zum Bischpil de Büäl zmitzt im Dorf oder de Walderpark bim Banhof. D Arbetslosigkäit isch im Jaar 2010 bi 4,5 % gläge.[2]
Tieläkt
[ändere | Quälltäxt bearbeite]De züritüütsch Tieläkt vo Dietlike ghört zue de Unterländer Mundarte.
Literatur
[ändere | Quälltäxt bearbeite]- Hermann Fietz: Die Kunstdenkmäler des Kantons Zürich, Band II: Die Bezirke Bülach, Dielsdorf, Hinwil, Horgen und Meilen. (= Kunstdenkmäler der Schweiz. Band 15). Hrsg. von der Gesellschaft für Schweizerische Kunstgeschichte GSK. Bern 1943.
- Hans Peter Treichler: Zwischen den Strassen. Orell Füssli Verlag Zürich 1982
Weblink
[ändere | Quälltäxt bearbeite]
Commons: Dietlike – Sammlig vo Multimediadateie- Offizielli Website vo de Gmeind Dietlike
- Ueli Müller: Dietlike. In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
