Huus zum Ritter (Fryburg im Brysgau)

E aglüegti Version vo derre Site, wo am 26. April 2020 freige worre isch, basiert uff derre Version.

S Huus zum Ritter, speeter Erzbischefli Palais, hite Doomsingschuel isch e representativ Stadthuus z Fryburg im Brysgau.

S Huus zum Ritter isch anne 1756 dur dr Johann Jacob Fechter böue woore as Gsellschafts- un Versammligshuus fir di voordereeschtryychische Ritterschaft vum Brysgau bzw. dr Aadelsstand, wu Aadail am Brysgauer Landstand ghaa het. S stoot uf dr Siidsyte vum Minsterblatz an dr Stell vun eme mittelalterlige Vorgängerböu. Dr Ufdraag zum Böu het dr doomoolig Bresidänt Ferdinand Sebastian von Sickingen-Hohenburg.

Ab 1766 isch s Huus as Versammligsoort vu dr Landständ bruucht woore. No dr Uflupfig vu dr Standesherrschaft ab 1806 isch doo bis 1824 s grooßherzogli Hoofgriicht gsii. Anne 1832 isch dur d Wideryyriichtig vum Erzbischtum Fryburg 1821 zur Residänz vum Erzbischof vu Fryburg un dodermot Erzbischefli Palais woore. Noch ere Renovierig 1995/96 isch syterhäär Domsingschuel un Sitz vu dr Fryburger Doomsingbuebe.

Bi dr Bumbardierig vu Fryburg 1944 isch s Huus zum Ritter vellig uusbrunne. Dr Widerufböu aafangs 1950er Joor het si an dr im 19. Joorhundert veränderete Struktuur vum Huus orientiert.^[1]

Weblink

Commons: Haus zum Ritter (Freiburg im Breisgau) – Sammlig vo Multimediadateie

S Huus „Zum Ritter“ z Fryburg uf www.welt-der-wappen.de

Fueßnote

↑ Webseite der Stadt Freiburg im Breisgau

47.9951627.851855Koordinate: 47° 59′ 42,6″ N, 7° 51′ 6,7″ O

Dä Artikel basiert uff ere fräie Übersetzig vum Artikel „Haus_zum_Ritter_(Freiburg_im_Breisgau)“ vu de dütsche Wikipedia. E Liste vu de Autore un Versione isch do z finde.

[1] Webseite der Stadt Freiburg im Breisgau

[1]