Panama
República de Panamá Republik Panama | |||||
| |||||
Wahlspruch: „Pro Mundi Beneficio“ lat., „Für s Wohl vo dr Wält“ | |||||
Amtsspraach | Spanisch | ||||
Hauptstadt | Panama-Stadt | ||||
Staatsoberhaupt und Regierigschef | Präsident Ricardo Martinelli | ||||
Flächi | 75.517 km² | ||||
Iiwohnerzahl | 3.332.576[1] | ||||
Bevölkerigsdichti | 44,1 Iiwohner pro km² | ||||
Bruttoinlandsprodukt | 24.711.000.000 (nominal)[2] | ||||
Bruttoinlandsprodukt pro Iiwohner | 7.133 US$ (nominal)[3] | ||||
Human Development Index | 0,840 (60.) [4] | ||||
Währig | Balboa, US Dollar | ||||
Unabhängigkeit | vo Spanie sit 28. November 1821 / vo Kolumbie sit 3. November 1903 | ||||
Nationalhimne | Himno Istmeño | ||||
Zitzone | UTC−5 | ||||
Kfz-Kennzeiche | PA | ||||
Internet-TLD | .pa | ||||
Vorwahl | +507 | ||||
![]() | |||||
![]() |
![](http://upload.wikimedia.org/wikipedia/commons/thumb/0/0e/Panama_city_skyline.jpg/220px-Panama_city_skyline.jpg)
![](http://upload.wikimedia.org/wikipedia/commons/thumb/6/6c/Isla_El_Porvenir.jpg/220px-Isla_El_Porvenir.jpg)
Panama (spanisch Panamá) isch e Staat in Mittelamerika, wo an Costa Rica im Weste und Kolumbie im Oste gränzt. Dr Panamakanal, wo s Land durquert, verbindet die Karibischi See im Norde und dr Pazifisch Ozean im Süde.
Geographii
Dr Staat Panama het e Flechi vo 75.517 km², drvo si 210 km² Binnewasserflechene. Si Küstelinie isch 1.915 km lang.
Panama isch uf em schmalste Deil vo dr zentralamerikanische Landbrugg, wo do vom Panamakanal durbroche wird. Im Weste vo de zentralamerikanische Kordillere, wo dr Küste noch lit, lit mit dem Vulkanchegel vom Volcán Barú (3477 m) dr höchst Bärg im Land.
D Gebiet, wo am dichtiste besiidlet si, lige an dr pazifische Küste und um d Kanalzone. Über d Helfti vo dr Bevölkerig läbt in Stedt.
Panama gränzt im Weste an Costa Rica und im Oste an Kolumbie mit ere Gränzlengi vo 330 bzw. 225 Kilometer.
D Landesgränze hai e Gsamtlengi vo 555 Kilometer.
Karibik
An dr nördlige, dr karibische Küste isch vo Januar bis März/April „Drochezit”, vo Ändi Juli bis Septämber di „chliini Drochezit”. Uf dr Inselgruppe Bocas del Toro im üsserste Nordweste vo Panama isch e Nationalpark und d Insle si ihre wiisse Stränd eins vo de beliebtiste Touristeziil vo Panama. D Flora und Fauna isch wägen em Tourismus immer meh bedroht. Die nord-östligi Karibikküste isch d Heimet vo de Kuna Yala-Indianer (au San Blas), ihri Autonomii innerhalb vo dr Region eird anerkennt.
D Halbinsle Azuero – d Umgäbig vo Chitré
D Halbinsle Azuero lit öbbe uf halber Strecki zwüsche Panama-Stadt und David. Uf dr ganze Fahrt via Chitré und Pedasi gseht mä vor allem Weideflechene, nume do und dört het s e baar Riis- und Maisfälder. Denn foot s Canajagua-Bärgland aa, wo d Erosion eigenartigi, cheigelartigi Hügel hinderloo het. Im südwestlige Deil, em drochnigste Gebiet vo Panama, lit dr halbwüestenartigi Nationalpark Parque Nacional Sarigua, wo öbbe 8.000 ha gross isch.
Darién
D Brovinz Darién isch zum e grosse Deil vo dichtem Dschungel kennzeichnet. Für Touriste isch dr Oste und Süde vo dr Brovinz gföhrlig. Bsunders im Gränzgebiet zu Kolumbie bestöhn hochi Sicherheitsrisike, wil dört Schmuggler und Drogehändler us Kolumbie und Widerstandskämpfer die staatligi Ornig und Sicherheit witgehend usgschaltet hai.
Litratur
- Arq. Samuel Gutierrez: Arquitectura Caribeña (Puerto Limon – Bocas del Toro). Auf Spanisch zur Architektur des Gebiets. Viele interessante alte Fotos und Geschichten. ISBN 958-9082-61-0
- Mellander, Gustavo Adolfo & Nelly Mellander Maldonado: ″The Panama Years″. San Juan (Puerto Rico): Editorial Plaza Mayor 1999. ISBN 1-56328-155-4
- Mellander, Gustavo A. (1971). The United States in Panamanian Politics: The Intriguing Formative Years. Danville, Ill.: Interstate Publishers. OCLC 138568.
Fuessnote
- ↑ [1]POP
- ↑ [2] BIP 2009 noch Länder in dr World Economic Outlook Database, April 2010 vom Internationale Währigsfond
- ↑ [3] BIP pro Kopf 2009 noch Länder in dr World Economic Outlook Database, April 2010 vom Internationale Währigsfond
- ↑ Human Development Index
Weblingg
![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![Wikiatlas](http://upload.wikimedia.org/wikipedia/commons/thumb/f/f3/Gnome-globe.svg/16px-Gnome-globe.svg.png)
- Panama: Zwischen den Ländern und zwischen den Meeren Artikel von Nadja Einzmann in Frankfurter Allgemeine Zeitung
Koordinate: 9° N, 80° W