Bratislava

Bratislava
Bratislava (Slowakei) Bratislava	Bratislava
	Bratislava
Koordinate	48° 9′ N, 17° 9′ OKoordinate: 48° 9′ N, 17° 9′ O
Symbole
WappeWappe	FahneFahne
Basisdate
Staat	Slowakei
Landschaftsverband	Bratislavský
	Vorlage:Infobox Ort/Wartung/ISO
Höchi	140 m
Flechi	367 km²
Iiwooner	417.389 (2013)
Dichti	1.137,3 Ew./km²
Website	www.bratislava.sk
Politik
Burgermeischter	Milan Ftáčnik
	S Panorama vo Bratislava S Panorama vo Bratislava

E aglüegti Version vo derre Site, wo am 25. Augschte 2024 freige worre isch, basiert uff derre Version.

Bratislava (slowakischi Uussproch^ⓘ^/?: [ˈbracɪslava], bis 1919 slowakisch: Prešporok, ungarisch: Pozsony, dütsch: Pressburg^[1]) isch t Hauptstadt vo de Slowakei und mit 417.389 Iiwohner (Stand 31. Dezember 2013) die grössti Stadt vom Land. Si ligt a de südwestliche Grenze vo de Slowakei bim Drüländereck mit Österrich und Ungarn und isch somit die einzigi Hauptstadt vo de Welt, wo a mehreri Nachbarstaate gränzt. Als politischs, kulturells und wirtschaftlichs Zentrum vom Land isch Bratislava de Regierigssitz vo de Slowakei und no Standort vo mehrere Universitäte, Musee, Theater und witere wirtschaftliche, kulturelle und wisseschaftliche Institutione.

Gschicht

D Gschicht vo de Stadt isch dur mehreri Ethnie prägt worde, wie Kelte, Römer, Aware, Dütschi, Magyare, Jude und Slowake. Bratislava isch im Lauf vo sinere Gschicht es sehr wichtigs wirtschaftlichs und administrativs Zentrum vom damalige Königrych Ungarn und au e wichtegi Stadt vo de ehmalige Tschechoslowakei gsi. D Stadt isch vo 1536 bis 1783 und 1848 d Hauptstadt vom Königrich Ungarn wie au vo 1939 bis 1945 d Hauptstadt vo de erste Slowakische Republik gsi. 1968 isch Bratislava Hauptstadt vom Teilstaat Slowakischi Sozialistischi Republik (slowakisch: SSR) i de Tschechoslowakische Sozialistische Republik (ČSSR) und churz (1990–1992) i de Tschechische und Slowakische Föderative Republik (ČSFR) gsi. Sit 1993 isch si Hauptstadt vo de selbständige Slowakei.