Hochrhybrugg
Koordinate: 47° 33′ 42″ N, 8° 4′ 29″ O; CH1903: 647876 / 268092
| Hochrhybrugg | ||
|---|---|---|
 | ||
| Überfüerig über | Gmeindeschtrõß mit Aaschluss a d H 7 im Aargau un d B 34 z Südbaddè | |
| Goot über | Hochrhy, Km 115,98 | |
| Ort | Baddisches Laufèburg, Aargauisches Laufèburg | |
| Konstrukzioon | Spannbedong-Balchèbrugg | |
| Gsamtlengi | 225 m | |
| Bräiti | 11,2 m | |
| Grössti Stützwiti | 95 m | |
| Bauchöste | 9,8 Millionè Frankè | |
| Aafang vom Baue | 2003 | |
| Fertig worde | 2004 | |
| Eröffnig | 17. Dezembèr 2004 | |
| Lage | ||
| ||
D Hochrhybrugg isch è Strõßèbrugg, wo dè schwizer (Groß-Laufèburg) un dè dütsche Stadtdeil (Chly-Laufèburg) vo Laufèburg übber dè Hochrhy mitnand vobindèt. D Brugg isch i d Schlagzyylè chò un sitdèm regional berüümt-berüchtigt, well uffgrund von èm Blaanungsfääler bim Bau è Höèunterschyd zwǜschè dè beidè Widerlager entschtandè isch. Sèllè Vomessungsfääler isch Aafang vo de 2000er Johr als pragtisch uumöglich aagluègt worrè.
Die Hochrhybrugg isch i dè Johr 2003 bis 2004 als zweiti Vobindung zwǜschè dè beidè Stadtdeil aaglait worrè, well diè aalt Rhybrugg für dè wachsende Faarzüügvokeer nǜmmi un für dè Schwèrvokeer (Gwichtslimit 12 t) sowyso nit glangt hèt. Diè neu Brugg isch am öschtlichè Stadtrand vom baddischè Laufèburg am Rand von Gwerbegebièt Laufèburg Oscht mit öppè 100 m Abstand vom öschtlichè Stadtrand vom aargauischè Laufèburg plazyrt worrè. Si wyst zwei Faarbaanè un beidsitigi Fuèßwäg uff. Für d Schifffaart eksischtyrt è Durchfaart mit 80 m Breiti un 7,0 m Höchi bim högschstè schiffbarè Rhypegèl.
Konschtruktion
[ändere | Quälltäxt bearbeite]D Spannbedongbrugg hèt é Längi vo 225 m. Si wyst i dè Längsrichtung dè Durrèlaufdräger als Baubrinzyp uff. D Stützwittè sin für diè dreifäldrigi Strõßèübberfüürung 95 m im mittlerè Joch un 65 m i dè beidè üßèrè Jöcher. In Querrichtung isch dè 11,2 m breite Übberbau als einfachè Hoolchaschtèquerschnitt mit èrè gvoutètè Bauhöchi uusbildèt.
Planig
[ändere | Quälltäxt bearbeite]Dütschland un d Schwiz hèn èn unterschydlichè Höchèbezug. Dütschland bezièt sy Höchèsischteem uff d Höchèdefinition vom Amschterdammer Pegèl mit Meter übber Normalhöchènull, d Schwiz dègegè uff Meter übber m Meer bezogè uff dè Repère Pierre du Niton im Gämfersee. Sèllè Umschtand isch dè voantwortlichè Blaaner bekannt gsi un isch au brüggsichtigt worrè. Asè hèt mò èn Höchèunterschyd vo 27 cm feschtgschtellt, wo uusglichè wörrè hét müèsè. Erreicht wörrè hèt sèll söllè durch è blaanmäßigs Übberhöè vom Widerlager uff dè Schwizer Sitè. Durch èn Vorzeichèfääler isch s Widerlager abber 27 cm niddriger baut worrè. Dõdemit isch dè Höchèunterschyd durch sèbbè Fääler uff 54 cm gschtygè. Wôrènd dè Bauuusfüürung hèt mò sèllè Fääler gmerkt un hèt èn entschprèchend früèzitig besitigè chönnè. D Folg dèvò hèt mò s dütsche Widerlager korrigyrt un d Höchèaaglychungè vom Bruggèübberbaus aabasst.[1] Voantwortlich für d Blaanungè isch è Schwizer Ingenieurbüro gsi, sèllèm sini Haftpflichtvosicherung hèt für dè Schaddè haftè müèsè. Nõch èm Bricht vo dè Swissinfo hèt dè Fääler abber keini Meekoschtè voursacht,[2] abber mee Bauzit koschtet. Grundsätzlich cha dèsèll Fääler abber nu bi Gränzbruggè uffdrèttè, well dè Höchèbezug i eim Staat normalerwys eidütig isch.
Bilder
[ändere | Quälltäxt bearbeite]-
es Luftbild vo dè Hochrhybrugg. Dè Chraisvokeer links unnè lyt a dè H 7 uff dè Aargauer Sitè, dè Gränzposchtè rächts obbè uff dè Baddischè Sitè -
sǜmbolischè Aafang vom Bau 2002 -
s Trassè vo dè Hochrhybrugg -
d Hochrhybrugg bei Laufèburg wôrènd èm Bau im März 2003
Luèg au
[ändere | Quälltäxt bearbeite]Weblingg
[ändere | Quälltäxt bearbeite]
Commons: Hochrhybrugg – Sammlig vo Multimediadateie- Informationè zum Thema vom Online-Bortal Brückenweb
- Hochrheinbrücke. In: Structurae.
- Regyrungsabchò zum Bruggèbau (PDF-Datei; 3 kB)
Beleeg
[ändere | Quälltäxt bearbeite]- ↑ Neue Rheinbrücke ist ein Reinfall Artikel uf brueckenweb.de vom 15. Jänner 2004 (Memento vom 30. Septämber 2007 im Internet Archive)
- ↑ Meereshöhe ist nicht gleich Meereshöhe Artikel uf swissinfo.ch vom 18. Dezember 2004
|
Dä Artikel basiert uff ere fräie Übersetzig vu dere Version vum Artikel „Hochrheinbrücke“ vu de dütsche Wikipedia. E Liste vu de Autore un Versione isch do z finde. |
| Di nögscht Brugg flussufwärts: Rhybrüggle Albrugg-Schwaderloch |
Bruggene öber de Rhy | Di nögscht Brugg flussabwärts: Lauffèbrugg |