Sinclair ZX Spectrum
Dr Sinclair ZX Spectrum isch e Heimcomputer gsi wo 1982 vo dr britische Sinclair Research entwigglet und härgstellt worden isch. Er isch dr Nochfolger vom Sinclair ZX81 gsi.
| Sinclair ZX Spectrum | |
|---|---|
| Typ | 8-bit Heimcomputer |
| Uusecho | 23 April 1982 |
| Iistellig vo dr Produktion | 1992 |
| Media | Musig Cassette |
| Bedriibssystem | Sinclair BASIC |
| CPU | Z80 @ 3.5 MHz oder gliichwärtig |
| Spiicher | 16 KB / 48 KB / 128 KB |
As Prozässer isch e Zilog Z80 (Z80A mit 3,5 MHz) iigsetzt worde. S Spectrum het 16, 48 oder, as ZX Spectrum 128, 128kByte Arbetsspiicher und 16kByte ROM gha. As Datespiicher isch e gwöhnlige Compact Cassette-Recorder agschlosse worde. Dr Computer het e Slot gha für zum Hardwareerwiterige azschliesse.
Dr Ufbau vom Computer isch, wie bi allne Sinclair-Computer us dere Ziit, druf usgrichtet gsi, mögligst wenig z choste. So het me nume e Minimum an Baudeil für e komplett Apparat bruucht, was dr Briis gsänggt het. Au bi dr Uswahl vo de Baudeil isch gspart worde. Bim 48K-Spectrum si z. B. defekti 64-kilobit-RAM-Baustei iigsetzt worde, wo nume die funktionierendi Helfti agschlosse gsi isch.
|
Dä Artikel basiert uff ere fräie Übersetzig vu dere Version vum Artikel „Sinclair_ZX_Spectrum“ vu de dütsche Wikipedia. E Liste vu de Autore un Versione isch do z finde. |