Heinrich Himmler
![](http://upload.wikimedia.org/wikipedia/commons/thumb/d/da/Bundesarchiv_Bild_183-R99621%2C_Heinrich_Himmler.jpg/220px-Bundesarchiv_Bild_183-R99621%2C_Heinrich_Himmler.jpg)
![](http://upload.wikimedia.org/wikipedia/commons/thumb/0/09/Bundesarchiv_Bild_183-H04436%2C_Klagenfurt%2C_Adolf_Hitler%2C_Ehrenkompanie.jpg/220px-Bundesarchiv_Bild_183-H04436%2C_Klagenfurt%2C_Adolf_Hitler%2C_Ehrenkompanie.jpg)
Heinrich Luitpold Himmler (7 Oktober 1900 – 23 Mei 1945) was Reichsführer van die Schutzstaffel (Beskermingskader; SS), en 'n leidende lid van die Naziparty (NSDAP) van Nazi-Duitsland. Hy was een van die magtigste manne van die Nazitydperk en 'n hoofargitek van die Sjoa.
Aanhalings
[wysig]- Ek praat van die wegruiming van die Jode, die uitwissing van die Joodse volk. Dis een van daardie dinge wat maklik gesê word: "Die Joodse volk word uitgeroei." Elke partylid sal vir jou sê "dis klinkklaar, 'n deel van ons program, ons elimineer die Jode, delg hulle uit, 'n onbenullige saak." En dan kom hulle almal, al die 80 miljoen opregte Duitsers, en elkeen het sy ordentlike Jood. Hulle sê: al die res is swyne, maar hier het jy nou 'n eersteklas Jood. En nie een van hulle het dit waargeneem, dit verduur nie. Die meeste van julle sal weet wat dit beteken as 100 liggame bymekaar lê, wanneer daar 500 is of wanneer daar 1000 is. En om dit deur te voer en nogtans met die uitsondering van menslike swakheid ordentlik te gebly het, het ons gehard gemaak en is ’n bladsy van voortreflikheid wat nooit genoem word nie, en nooit genoem moet word nie. Want ons weet hoe moeilik dinge vandag sou wees as ons in elke stad tydens die bomaanvalle, die uitdagings van oorlog en ontberinge, steeds Jode as geheime saboteurs, agiteerders en opstokers gehad het. Ons sou waarskynlik op dieselfde punt as in 16/17 gewees het, indien die Jode steeds in die liggaam van die Duitse volk aanwesig was.
Ons het die rykdom wat hulle gehad het weggeneem, en ek het streng bevel gegee, soos deur Obergruppenführer Pohl uitgevoer, dat ons hierdie rykdom aan die Ryk, aan die Staat oorlewer. Ons het niks van hulle vir onsself geneem nie. Die enkelinge wat hierin oortree het, sal mee gereken word.- Toespraak in 1943 in Pole voor hooggeplaaste SS-amptenare
Aanhalings oor Himmler
[wysig]- Waarom moet ons die hele wêreld se aandag daarop vestig dat ons geen verlede het nie? Dis nie genoeg dat die Romeine reeds groot geboue opgerig het toe ons voorvaders nog modderhutte bewoon het nie; nou begin Himmler hierdie strooisdorpe opgrawe en raak in vervoering oor elke potskerf en klipbyl wat hy opdiep. Al wat ons daarmee bewys, is dat ons nog steeds handbyle gegooi het en rondom oop vure gehurk het toe Griekeland en Rome reeds die hoogste sport van kultuur bereik het. Ons moet ons bes doen om stil te bly oor hierdie verlede. In plaas daarvan maak Himmler 'n groot ophef van dit alles. Die hedendaagse Romeine sal hulle amuseer oor hierdie openbarings.
- Hitler se uitspraak oor Heinrich Himmler se erfenisprojekte wat in 1935 onder voogdyskap van die Ahnenerbe-beweging geplaas is, soos aangehaal in Inside the Third Reich: Memoirs by Albert Speer, in Engels vertaal deur Richard Winston en Clara Winston (New York: Macmillan, 1970), pp. 94-95