Vlag van Pakistan
![]() |
|
Bynaam | (ur) Parc̱am-e Sitārah o-Hilāl (af) Vlag van die sekelmaan en ster |
---|---|
Gebruik | Staats- en Oorlogsvlag ![]() |
Verhouding | 2:3 |
Goedgekeur | 11 Augustus 1947[1] |
Ontwerp | ’n Vertikale wit baan aan die vlagpaalkant met ’n enkele groen baan in die wapperkant met ’n ster en sekelmaan in wit daarop |
Ontwerp deur | Amiruddin Kidwai |
Die nasionale vlag van Pakistan (Oerdoe: قومی پرچم, Qaumī Pārc̱am) is op 11 Augustus 1947 amptelik in gebruik geneem. Die vlag vertoon ’n vertikale wit baan aan die vlagpaalkant met ’n enkele groen baan in die wapperkant met ’n ster en sekelmaan in wit daarop. Die Pakistanse nasionale volkslied (قومی ترانہ, Qaumī Tarānah) verwys in die derde vers met die woorde پرچمِ ستاره و ہلال رہبرِ ترقّی و کمال – "Vlag met die ster en sekelmaan, die leier van vordering en opstyg" – na die vlag.
Simboliek
[wysig | wysig bron]Die groen stel Islam en die Moslemse meerderheid in Pakistan voor terwyl die it baan religieuse minderhede en minderheidsgelowe voorstel.[2] Die ster en sekelmaan stel onderskeidelik lig en vooruitgang voor.[2] Die vlag in geheel stel Pakistan se toewyding aan Islam en die regte van religieuse minderhede voor.[3] Dit is gebaseer op die oorspronklike vlag van die Moslemliga wat op sy beurt sy inspirasie uit die vlag van die Sultanaat Delhi, die vlag van die Ottomaanse Ryk en die vlag van die Mogolryk gekry het.
Ontwerp
[wysig | wysig bron]Die amptelike ontwerp van die nasionale vlag is deur die Wetgewende Vergadering aanvaar, tesame met ’n definisie van die eienskappe en verhoudinge. Volgens die amptelike spesifikasies is dit ’n donkergroen vlag met die verhouding 2:3. Die wit vertikale baan aan die vlagpaalkant is ’n kwart van die breedte van die vlag.
![Konstruksietekening](http://upload.wikimedia.org/wikipedia/commons/thumb/b/b4/Flag_of_Pakistan_Construction.svg/350px-Flag_of_Pakistan_Construction.svg.png)
Kleure
[wysig | wysig bron]![](http://upload.wikimedia.org/wikipedia/commons/thumb/b/b8/Pakistani_Flag.jpg/220px-Pakistani_Flag.jpg)
Die kleurskema word hieronder gelys:
![]() |
Groen | Wit |
---|---|---|
RGB | 1/65/28 |
255/255/255
|
Heksadesimaal | #01411cff |
#FFFFFF
|
CMYK | 98/0/57/75 |
0/0/0/0
|
Dimensies
[wysig | wysig bron]Die Departement van Binnelandse Sake verskaf dimensies van die vlag vir verskillende omstandighede:
- Vir seremoniële geleenthede. 21' × 14', 18' × 12', 10' × 6⅔' of 9' × 6¼'.
- Vir gebruik oor geboue. 6' × 4' of 3' × 2'.
- Vir motorkarre 24" × 16".
- Vir lessenaars 10¼" × 8¼".
Geskiedenis
[wysig | wysig bron]Voor die Tweede Wêreldoorlog het Moslems en Hindoes tesame in Brits-Indië gewoon. ’n Aantal Moslems het die Moslemliga gevorm. Na die Tweede Wêreldoorlog, toe Pakistan onafhanklikheid verkry het in 1947, het die vlag van die Moslemliga gedien as die basis vir die vlag van Pakistan.
Protokol
[wysig | wysig bron]![](http://upload.wikimedia.org/wikipedia/commons/thumb/5/5a/Sultan_Azlan_Shah_Hockey%2C_Ipoh.jpg/220px-Sultan_Azlan_Shah_Hockey%2C_Ipoh.jpg)
![](http://upload.wikimedia.org/wikipedia/commons/thumb/9/9a/Pakisan_First_-_Pakistan_Navy_sailors_at_the_tomb_of_Quaid_e_Azam.jpg/220px-Pakisan_First_-_Pakistan_Navy_sailors_at_the_tomb_of_Quaid_e_Azam.jpg)
- Geen ander vlag mag hoër wapper nie (buiten dié van die Verenigde Nasies op hul geboue).
- Wanneer die vlag langs ander nasionale vlae vertoon word, moet die Pakistanse vlag op dieselfde hoogte as die ander vlae hang, nooit laer nie.
- Wanneer dit langs provinsiale, militêre of korporatiewe vlae hang moet die nasionale vlag hoër wees.
- Die vlag mag slegs met die wit baan teen die vlagpaal hang en moet vrylik kan wapper.
- Die vlag mag nie aan die grond, skoene, voete of enigiets wat vuil is raak nie.
- Die vlag mag nie in die donker hang nie.
- Die vlag moet met sonsopkoms gehys en met sonsondergang gestryk word (behalwe oor die parlement, wat die enigste amptelike gebou is waar die vlag nooit gestryk word nie). Wanneer die vlag snags oor die parlement hang moet dit verlig word.
- Geen merke mag op die vlag aangebring word nie (insluitend woorde of prente).
- Wanneer die vlag gehys word moet alle personeel in uniform die vlag salueer en ander persone moet op aandag staan.
- Die vlag moet met seremonie gestryk word.
- Die vlag mag nooit vertikaal hang nie.[4]
- Wanneer die vlag normaal hang moet die wit baan altyd na links wys met die groen veld op regterkant.
- Die vlag mag nie onderstebo vertoon word (behalwe in tye van onrus in die land)[5] of met die sekelmaan en ster wat links kyk nie.
- Die vlag mag nêrens hang waar dit dalk vuil kan word nie.
- Die vlag mag nie verbrand of vertrap word nie.
- Die vlag mag nie begrawe of in ’n graf laat sak word nie (wanneer ’n vlagdraende kis laat sak word moet die vlag daarbo gehou word of verwyder word voordat die kis laat sak word).
Ander vlae
[wysig | wysig bron]Ander vlae in gebruik in Pakistan sluit in:
-
Burgerlike Lugvaartvaandel van Pakistan
-
Burgerlike Vaandel van Pakistan
-
Vlag van die Pakistanse Weermag
-
Vlootgeus van Pakistan
-
Vlootvaandel van Pakistan
-
Lugmagvaandel van Pakistan
-
Vlag van die President van Pakistan
Soortgelyke vlae
[wysig | wysig bron]-
Vlag van die Ottomaanse Ryk (1844–1923)
Verwysings
[wysig | wysig bron]- ↑ "Pakistan" (in Engels). Flags of the World. Geargiveer vanaf die oorspronklike op 30 Maart 2019. Besoek op 28 Mei 2019.
- ↑ 2,0 2,1 (en) "Pakistan vlag". Ministerie van Inligting en Uitsaaiwese, Regering van Pakistan. Geargiveer vanaf die oorspronklike op 5 Maart 2009. Besoek op 11 Desember 2007.
- ↑ (en) "Basiese Feite". Ministerie van Inligting en Uitsaaiwese, Regering van Pakistan. Geargiveer vanaf die oorspronklike op 27 Maart 2012. Besoek op 11 Desember 2007.
- ↑ "Hanging Flags Vertically" (in Engels). Flags of the World. 4 Junie 2014. Geargiveer vanaf die oorspronklike op 9 Junie 2020. Besoek op 28 Mei 2019.
- ↑ "Pakistan Flag" (in Engels). vexillologymatters.org. Geargiveer vanaf die oorspronklike op 14 September 2019. Besoek op 28 Mei 2019.
Eksterne skakels
[wysig | wysig bron]![]() |
Wikimedia Commons bevat media in verband met Vlae van Pakistan. |
- (en) Pakistan by Flags of the World.
- (en) "Flag of Pakistan". Encyclopædia Britannica. Besoek op 28 Mei 2019.
Hierdie artikel is in sy geheel of gedeeltelik vanuit die Engelse Wikipedia vertaal. |