Veiligheidsklep

Deursnee van 'n veiligheidsklep

'n Veiligheidsklep (in Engels 'n (pressure/temperature) safety valve / PSV / TSV) is 'n meganiese klep wat outomaties oopmaak om toerusting teen hoë druk te beskerm.

3% reël vir inlaatpyp

Die drukval deur die veiligheidsklep se inlaatlyn mag nie hoër wees as 3% van die steldruk (in absolute druk) nie. Dus:

${\frac {\Delta P}{P_{stel}}}<3\%$

waar ΔP die drukval is en P_stel die steldruk in meterdruk is.

Indien ΔP/Pstel > 3%, kan dit gebeur dat die veiligheidsklep oopmaak en dan val die inlaatdruk by die PSV só dat die klep weer toemaak. In Engels word dit "chattering" genoem.

10% reël vir uitlaatpyp

Die opgeboude teendruk moet minder as 10% wees van die veiligheidsklep se steldruk (alles in meterdruk). Indien dit groter as 10% is, kan dit gebeur dat die veiligheidsklep oopmaak en dan verhoog die klep se uitlaatdruk só dat PSV weer toemaak.

Definisies

• Opgeboude teendruk (Engels="built-up backpressure"): Dit is die druk stroomaf van die veiligheidheidsklep wanneer die klep oop is. Indien die veilheigheidsklep na atmosfeer vrylaat, is hierdie druk gelyk aan atmosferiese druk plus die drukval deur die uitlaatpyp wanneer die klep oop is.

• Gesuperponeerde teendruk (Engels="superimposed backpressure"): Dit is die druk stroomaf van die veiligheidsklep wanneer die klep toe is. Indien die klep vrylaat na die atmosfeer, dan is hierdie druk gelyk aan die omgewingsdruk. Indien die veiligheidsklep vrylaat na 'n fakkel, dan is hierdie druk gelyk aan die druk van die fakkelverdeelpyp ("header").