Twyfelfontein
Twyfelfontein of /Ul-//aes* | |
---|---|
Unesco-wêrelderfenisterrein | |
![]() | |
Rotstekeninge by Twyfelfontein | |
Ligging van Twyfelfontein in Namibië | |
Koördinate: 20°35′26″S 14°22′20″O / 20.59056°S 14.37222°O | |
Lande | ![]() |
Tipe | Natuur |
Kriteria | iii, v |
Verwysings | 1255 |
Streek† | Afrika |
Inskripsiegeskiedenis | |
Inskripsie | 2007 (31ste Sessie) |
* Naam soos dit in die Wêrelderfenislys verskyn. † Streek soos deur Unesco geklassifiseer. |
Twyfelfontein is 'n waterbron in die berge van Damaraland in Namibië, asook die naam van die dal waarin hierdie bron lê. In Nama heet die gebied Uri-Ais, "springende bron". Nadat blanke boere hulle in 1947 in die streek gevestig het, blyk die bron minder betroubaar te wees as wat aanvanklik gedag is, wat die huidige naam geïnspireer het. In 1964 is die onderneming verlaat, maar die naam leef tot vandag voort.
Rotstekeninge
[wysig | wysig bron]Die vallei het bekend geword nadat honderde prehistoriese rotstekeninge hier ontdek is. Dit is nie bekend wanneer die ontdekking gemaak is nie. Die volkekundige, Reinhard Maack (1892–1969) en geoloog, Volkmann word onder ander as die eerste navorsers genoem. Dit blyk dat daar meer as 2 500 verskillende prente is. Nadat baie van die prente ontvreem is, is Twyfelfontein in 1952 as nasionale monument aangewys, en in 2007 tot 'n Unesco-wêrelderfenisgebied verklaar. Rotstekeninge kan tot op Brandberg (die hoogste berg in die gebied) gevind word.[1]
Die tekeninge is nie net as gevolg van hul ouderdom besonders nie, maar ook omdat dit in klip uitgekap is, terwyl primitiewe kuns gewoonlik met natuurlike pigmente en houtskool geverf is. Die tekeninge beeld jagtonele uit, met jagters wat met pyle en boë bewapen is. Verskeie diersoorte word met abstrakte en geometriese voorstellings uitgebeeld. Dit is opmerklik dat pootafdrukke (spore) in plaas van pote vertoon word.
Die tekeninge kan nie presies gedateer word nie, maar daar word aangeneem dit oor ses verskillende periodes vervaardig is, wat begin in 300 v.C. en kort na 1800 eindig. Die sketse is nie met metaalwerktuie gemaak nie, daar word vermoed dat dit met kwarts uitgekerf is, aangesien kwartssplinters naby die rotse gevind is.
Lees ook
[wysig | wysig bron]Fotogalery
[wysig | wysig bron]-
Twyfelfontein, die sogenaamde Leeubek-formasie.
-
"Dansende Koedoe", omring met ornamente.
-
Leeu met pootafdrukke in plaas van pote, asook aan die stert.
-
San (die "dansende Koedoe") en Khoekhoen (die abstrakte figure) by Twyfelfontein.
-
Wind- en waterverouderde sandsteen by Twyfelfontein.
Verwysings
[wysig | wysig bron]- ↑ Icomos.org: Southern African Rock-Art Sites Geargiveer 27 September 2007 op Wayback Machine (Janette Deacon, 2002)
Literatuur
[wysig | wysig bron]- Scherz, Ernst-Rudolf (1975). Felsbilder in Südwest-Afrika. Teil II: Die Gravierungen im Nordwesten Südwest-Afrikas (in German). Cologne: Böhlau Verlag. ISBN 978-3-412-03374-3.
{{cite book}}
: Onbekende parameter|trans_title=
geïgnoreer (hulp)AS1-onderhoud: onerkende taal (link) - Ouzman, Sven. "Rock Art of Twyfelfontein, Namibia, Africa. Twyfelfontein Site Report". Bradshaw Foundation. Geargiveer vanaf die oorspronklike op 21 Oktober 2014. Besoek op 4 Augustus 2010.
{{cite web}}
: Ongeldige|ref=harv
(hulp)
Eksterne skakels
[wysig | wysig bron]Wikimedia Commons het meer media in die kategorie Twyfelfontein.