Tevatron
Tevatron is Fermilab se partikelversneller wat naby Chicago geleë is. Die versneller word gebruik om protone en antiprotone met mekaar te laat bots. Die eerste lopie vind plaas vanaf Julie 1990 tot Augustus 1995 met 'n swaartepuntenergie van 1,8 TeV (1 TeV Elektronvolt). In 2001 begin lopie II. Die swaartepuntenergie tydens die tweede lopie is 1,96 TeV. Voor die Groot Hadronversneller gebou was, was die Tevatron-ring die kragtigste partikelversneller ter wêreld.
Die botsings tussen die protone en antipotrone in die Tevatron-ring word geregistreer deur twee partikeldetektors, D0 en CDF. Tydens hierdie twee eksperimente word die topkwark in 1995 ontdek.