Skoenlappersterreswerm
| Skoenlappersterreswerm | ||||
| ||||
| Soort stelsel | Oop sterreswerm | |||
| Sterrebeeld | Skerpioen | |||
| Messier-naam | Messier 6 | |||
| Waarnemingsdata (Epog J2000) | ||||
| Regte klimming | 17h 40,1m | |||
| Deklinasie | -32º 13' | |||
| Skynmagnitude | 4,2 | |||
| Besonderhede | ||||
| Afstand (ligjaar) | 1 600 | |||
| Skynbare grootte | 2' | |||
| Ander name | NGC 6405, Collinder 341, Melotte 178, Lund 769, OCL 1030, ESO 455-SC030 | |||
| ||||
Die Skoenlappersterreswerm (ook bekend as onder meer Messier 6 en NGC 6405) is ’n oop sterreswerm in die sterrebeeld Skerpioen. Dit is in 1746 deur Jean-Dominique Maraldi ontdek. Die naam kom van die feit dat dit vaagweg soos ’n skoenlapper lyk.
Giovanni Battista Hodierna was in 1654 die eerste sterrekundige wat die bestaan van die swerm gedokumenteer het en Charles Messier het dit in 1764 in sy katalogus opgeneem as M6. Die getal, afstand en ander eienskappe van die sterre is egter eers in die 20ste eeu bestudeer.
Die meeste van die helder sterre in die swerm is warm, blou B-tipe sterre, maar die helderste een is ’n K-tipe oranje reus, BM Scorpii, wat duidelik op foto's teen die omringende sterre uitstaan. Dit is ’n veranderlike ster, waarvan die oënskynlike magnitude wissel tussen 5,5 en 7.
Skattings van die sterreswerm se afstand van die Aarde af het oor die jare gewissel, met ’n gemiddelde skatting van sowat 1 600 ligjare. Sy algehele magnitude is 4,2.
Eksterne skakels
[wysig | wysig bron]- SEDS: Messier 6
- Skoenlappersterreswerm op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Skoenlappersterreswerm.
Hierdie artikel is vertaal uit die Engelse Wikipedia
