Resistor
![]() | |
![]() |
![]() |
Resistor | Veranderlike Resistor |
Resistor simbole - V.S.A. en Japan | |
![]() | |
![]() |
![]() |
Resistor | Veranderlike resistor |
Resistor simbole (Europa, IEC) |
![](http://upload.wikimedia.org/wikipedia/commons/thumb/f/f0/Resistors.jpg/220px-Resistors.jpg)
![](http://upload.wikimedia.org/wikipedia/commons/thumb/9/98/Smd_rezistory_i_spi4ka.jpg/220px-Smd_rezistory_i_spi4ka.jpg)
'n Resistor (of 'n weerstand) is 'n twee terminaal elektroniese komponent wat weerstand bied teen 'n elektriese stroom en 'n spanningsval tussen sy terminale veroorsaak in ooreenstemming met Ohm se wet. (Sekere ultrahoë presisie resistors het 2 addisionele terminale).
Die elektriese weerstand is gelyk aan die spanningsval oor die resistor gedeel deur die stroom wat deur die resistor vloei. Resistors word gebruik as deel van elektriese netwerke en elektroniese stroombane.
Gebruike
[wysig | wysig bron]- Oor die algemeen word resistors gebruik om 'n bekende spanning tot stroomsterkte-verhouding in 'n elektriese stroombaan te bewerkstellig. As die stroomsterkte in 'n stroombaan bekend is dan kan 'n weerstand gebruik word om 'n bekende spanningsverskil in verhouding tot daardie stroomsterkte te bewerkstellig. Omgekeerd as die spanningsverskil tussen twee punte bekend is, kan 'n weerstand gebruik word om 'n bekende stroomsterkte in verhouding tot die potensiaalverskil in daardie stroombaan te bewerkstellig.
- Stroombeperking. Deur 'n resistor in serie met 'n ander komponent te skakel, soos byvoorbeeld 'n ligemissie-diode, sal die stroom deur daardie komponent verminder word na 'n bekende veiliger waarde.
- 'n Serieresistor kan gebruik word vir die beheer van 'n gelykstroommotor soos die wat op lokomotiewe gebruik word.
- 'n Stroomdemper (en: attenuator) is 'n netwerk van twee of meer resistors ('n spanningsverdeler) wat gebruik word om die spanning van 'n sein te verminder.
- 'n Resistor word ook aan die einde van transmissielyne of kettingbus (soos SCSI) geplaas en is ontwerp om die impedansie te paar en sodoende die weerkaatsing van seine te minimiseer.
- Alle resistors stel hitte vry. Dit is die beginsel waarop elektriese verwarmers werk.
Die ideale resistor
[wysig | wysig bron]Die SI-eenheid van elektriese weerstand is die ohm (Ω). 'n Komponent het 'n weerstand van 1 Ω as 'n spanning van 1 volt oor die komponent, 'n stroomsterkte van 1 ampère tot gevolg het, wat gelykstaande is aan 'n vloei van een coulomb elektriese lading per sekonde. Die veelvoude kilo-ohm (1 kΩ = 1000 Ω) en mega-ohm (1 MΩ = 106 Ω) word ook dikwels gebruik.
In 'n ideale resistor, bly die weerstand konstant ongeag van die spanning of stroom wat deur die komponent vloei. Werklike resistors kan nie hieraan voldoen nie, maar word ontwerp om so min moontlik veranderinge in elektriese weerstand te hê as hulle aan hierdie veranderinge of aan ander omgewingsfaktore soos temperatuur en ander omgewingsfaktore blootgestel word.
Nie-ideale eienskappe
[wysig | wysig bron]'n Resistor het 'n maksimum bestek van spanning en stroom waarbuite die weerstand kan verander (in sommige gevalle drasties) of die resistor fisies beskadig kan word (deur oorverhitting onder andere). Alhoewel sommige resistors spanning en stroomspesifikasies het, word die meeste aangeslaan volgens die maksimum drywing wat hoofsaaklik afhanklik is van die fisiese grootte daarvan.
Die algemene drywingsvermoë vir koolstof saamgestelde- en metaalfilmresistors is 1/8 watt, 1/4 watt en 1/2 watt. Metaalfilm en koolstof-filmresistors is meer stabiel as koolstofresistors met veranderende temperatuur en ouderdom. Groter resistors kan meer hitte weglei vanweë hulle groter oppervlakarea. Draadgewinde resistors en resistors wat in keramiek ingebou word, word gebruik waar 'n hoër drywingsvermoë vereis word.
Verder het alle resistors ook 'n mate van induktansie, asook 'n klein hoeveelheid kapasitansie, wat die dinamiese gedrag van 'n resistor van die ideaal laat afwyk.
Soorte resistors
[wysig | wysig bron]Vaste resistors
[wysig | wysig bron]Sommige resistors het 'n silindriese vorm met die weerstandmateriaal in die middel (saamgestelde resistors) of op die oppervlak van die silinder (filmresistors) met terminale wat uit geleidende metaal bestaan wat in die aksiale rigting uit die silinder uitkom.
Daar bestaan koolstof- en metaalfilmresistors. Hoë drywingresistors is beskikbaar in groter verpakkings wat ontwerp is om die hitte doeltreffend weg te lei. Vir hoë drywing word draadspoelsoortegebruik. Resistors wat in rekenaars en ander toestelle gebruik word is tipies baie kleiner, dikwels in oppervlakgemonteerde verpakkings sonder draadverbindings. Resistors kan ook in geïntegreerde stroombane (GS) ingebou word, deur die halfgeleiermateriaal as resistor te gebruik. Dit is egter moeilik om resistors op die manier te vervaardig en dit neem dikwels waardevolle spasie op die skyf in beslag, dus sal GS-vervaardigers 'n transistor-transistor of 'n resistor-transistor konfigurasie as alternatief gebruik om die benodigde resistor na te maak.
Sien ook
[wysig | wysig bron]Eksterne skakels
[wysig | wysig bron]![]() |
Wikimedia Commons bevat media in verband met Resistor. |
- 4-terminal resistors - Hoe ultra-presiese weerstande werk (Engels) Geargiveer 27 Maart 2010 op Wayback Machine
- 'n Goeie gids vir weerstans beskrywings, gemeenskaplike waardes, en kleurcodes (Engels) Geargiveer 6 Desember 2004 op Wayback Machine
- Beginners gids tot potensiometers, insluitende beskrywing van verskillende afgrypers (Engels) Geargiveer 1 September 2006 op Wayback Machine
- 'n Artikel wat verskeie aspekte van weerstande insluitend materiale, afgrypers en kleurkodes beskryf (Engels) Geargiveer 23 Desember 2004 op Wayback Machine
- "Die oorspronklike kleurkode rekenaar" (Engels)
- Weerstand-Kleurkode Ontsyfering (Engels)
- Weerstand tipes - Maak dit saak? (Engels) Geargiveer 11 Februarie 2006 op Wayback Machine
- Vra 'n ingenieur (Engels) — verskille tussen tiepes van weerstande
- Weerstande ein hulle gebruik (Engels)