Pous Urbanus III
| Pous Urbanus III | |
|---|---|
| |
| Geboortenaam | Umberto Crivelli |
| Pontifikaat begin | 25 November 1185 |
| Pontifikaat eindig | 19 Oktober 1187 |
| Voorganger | Lucius III |
| Opvolger | Gregorius VIII |
| Gebore | ± 1120 Milaan, Italië |
| Sterf | 19 Oktober 1187 Ferrara, Italië |
| Ander pouse genaamd Urbanus | |
Urbanus III was die 172ste pous van die Rooms-Katolieke Kerk van 1185 tot 1187.
Biografie
[wysig | wysig bron]Pous Urbanus III[1] is gebore as Umberto Crivelli (ook Uberto of Hu(m)berto) ongeveer in 1120 in Milaan, Italië. Umberto is aangestel as kardinaal en aartsbiskop van Milaan deur Pous Lucius III op 9 Januarie 1185. Op 25 November 1185 volg hy Pous Lucius III op en regeer tot sy dood op 19 Oktober 1187. Hy word opgevolg deur Pous Gregorius VIII. Die naam ‘Urbanus’ beteken 'beskaafde'.
Pontifikaat
[wysig | wysig bron]Pous Urbanus III[2] is in die amp bevestig op 1 Desember 1185. Sy kort pontifikaat word oorheers deur die stryd met keiser Frederik I Barbarossa. Na sy verkiesing as pous, bly Urbanus aartsbiskop van Milaan en as sodanig weier hy om Frederik se seun Hendrik VI te kroon as koning van Italië. Hendrik trou op 4 Januarie 1186 in Milaan met Constance van Sisilië. Terwyl Hendrik in die suide saamgewerk het met die opstandige senaat van Rome, het Frederik die passe van Alpe beset en die kommunikasie van die pous wat toe in Verona gebly het, en sy Duitse aanhangers verhinder. Urbanus wou die pous ekskommunikeer maar die inwoners van Verona het geweier om die handeling in hulle stad te laat plaasvind. Die pous vertrek toe na Ferrara, waar hy sterf voordat hy die ekskommunikasie kon deurvoer. Legendaries word gesê dat die pous dood is van skok oor die mislukking van die tweede kruistog deur die verlies by die slag van Hattin en die verowering van Jerusalem deur Saladin op 2 Oktober 1187.
Bibliografie
[wysig | wysig bron]- Duff, Eamon (2001). Saints and Sinners: A History of the Popes, Yale University Press. ISBN 0300091656.
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.
Verwysings
[wysig | wysig bron]- ↑ "Urban III." Encyclopædia Britannica. 2008. Encyclopædia Britannica Online. 03 Aug. 2008 <http://www.britannica.com/EBchecked/topic/619392/Urban-III>.
- ↑ Webster, Douglas Raymund. "Pope Urban III." The Catholic Encyclopedia. Vol. 15. New York: Robert Appleton Company, 1912. 3 Aug. 2008 <http://www.newadvent.org/cathen/15211a.htm>.
Eksterne skakels
[wysig | wysig bron]
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- GM Inskrywing in die Genealogie van die Middeleeue (Duits)
 |
Wikimedia Commons bevat media in verband met Urbanus III. |
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
[wysig | wysig bron]| Voorafgegaan deur Lucius III |
Pous (Pontifex Maximus) 1185 – 1187 |
Opgevolg deur Gregorius VIII |
Normdata  |
|
|---|