Pedro II van Brasilië
Pedro II van Brasilië | |
---|---|
Keiser van Brasilië | |
![]() Dom Pedro II
| |
Vorstehuis | Braganza |
Titels | Keiser van Brasilië |
Regeer | 7 April 1831 – 15 November 1889 |
Kroning | 18 Julie 1841 |
Voorganger | Pedro I |
Monargie afgeskaf | Manuel Deodoro da Fonseca |
Volle naam | Pedro de Alcântara João Carlos Leopoldo Salvador Bibiano Francisco Xavier de Paula Leocádio Miguel Gabriel Rafael Gonzaga de Bragança e Habsburgo |
Gebore | 2 Desember 1825; Rio de Janeiro, Brasilië |
Oorlede | 5 Desember 1891; Parys, Frankryk |
Eggenoot | Teresa Cristina |
Kinders | Prins Afonso Prinses Isabel Prinses Leopoldina Prins Pedro |
Vader | Pedro I |
Moeder | Maria Leopoldina van Oostenryk |
Handtekening | ![]() |
Pedro II van Brasilie (Pedro de Alcântara João Carlos Leopoldo Salvador Bibiano Francisco Xavier de Paula Leocádio Miguel Gabriel Rafael Gonzaga de Bragança e Habsburgo; 2 Desember 1825 – 5 Desember 1891) met die bynaam "die Grootmoedige", was die tweede en laaste monarg van die Brasiliaanse Ryk, wat in die land geregeer het tydens 'n tydperk van 58 jaar was hy die jongste seun van keiser Pedro I van Brasilië en keiserin-gemalin Maria Leopoldina, en dus 'n lid van die Brasiliaanse tak van die Huis van Braganza. gebore inKeiserlike paleis van São Cristóvão, in Rio de Janeiro. Die skielike abdikasie van sy pa en sy vertrek na Portugal, het Pedro keiser gemaak op net vyf jaar oud. Geforseer om die meeste van sy tyd te spandeer om te studeer ter voorbereiding vir die heerskappy, het hy min oomblikke van vreugde en vriende van sy ouderdom geken. Sy ervarings met paleisintriges en politieke geskille gedurende hierdie tydperk het 'n groot impak op die vorming van sy karakter gehad. Keiser Dom Pedro II het 'n man geword met 'n sterk pligsbesef en toewyding aan sy land en volk. Aan die ander kant het hy toenemend sy rol as monarg gegrief.
Keiserskap
[wysig | wysig bron]![](http://upload.wikimedia.org/wikipedia/commons/thumb/f/f7/Pedro_II_circa_1887b_transparent.png/170px-Pedro_II_circa_1887b_transparent.png)
As 'n seun van vyf het Pedro die Keiser van Brasilië geword, net nadat sy vader Pedro I van Brasilië geabdikeer het om 'n politieke en militêre oorlog in Portugal te steun. Laasgenoemde oorlog het daartoe gelei dat Pedro II se suster, Maria II, koningin van Portugal sou word.
Pedro II het vir 58 jaar regeer. Gedurende sy heerskappy het industriële ontwikkeling in Brasilië begin. Hy het gesorg vir veel vooruitgang en ontwikkeling in sy land. Pedro II het ook na die Verenigde State gereis waar hy Alexander Graham Bell ontmoet het en so die eerste Brasiliaan geword wat 'n telefoon gebruik het.
Pedro II was 'n liberale leier en het slawerny op 13 Mei 1888 as onwettig verklaar. Alhoewel hy 'n populêre figuur was het hy absolute mag oor die parlement gehad en sommige het hom beskou as 'n stuikelblok op die pad na modernisme. Op 15 November 1889 is hy deur 'n militêre staatsgreep onttroon, waarna hy en sy familie na Portugal gevlug het.
Hy sterf Desember 1891 in Parys en beide sy oorskot asook dié van sy vrou word in 1920 na Brasilië geneem. Hulle word in Petropolis, die voormalige somerwoning van die keiserlike familie, begrawe.
Bronne
[wysig | wysig bron]- Hierdie artikel is 'n gedeeltelike vertaling van die Engelse Wikipedia artikel Pedro II of Brazil.