Gaan na inhoud

Olimpiese Somerspele 1948

in Wikipedia, die vrye ensiklopedie
Spele van die XIVe Olimpiade
Olimpiesespele van 1948

Gehou in Londen, Verenigde Koninkryk
Deelnemende lande 59 Nasionale Olimpiese Komitees
Deelnemende atlete 4 104 (3 714 mans, 390 vroue)[1]
Items 136 in 17 sporte[2]
Openingseremonie 29 Julie 1948
Sluitingseremonie 14 Augustus 1948
Amptelik geopen deur Koning George VI[3]
Atlete-eed Don Finlay (atletiek)
Beampte-eed – (sedert 1972)
Olimpiese vlam John Mark (atletiek)
Vorige Spele 1944: Londen (VK)
Volgende Spele 1952: Helsinki (Finland)

Die Olimpiese Somerspele 1948 (Engels: 1948 Summer Olympics), amptelik bekend as die Spele van die XIVde Olimpiade, is tussen 29 Julie en 14 Augustus 1948 in Londen, Verenigde Koninkryk, aangebied. Londen is bo Baltimore, Lausanne, Los Angeles, Minneapolis en Philadelphia gekies.[4] Na 'n onderbreking van 12 jaar deur die Tweede Wêreldoorlog was dit die eerste Spele sedert die Somerspele van 1936 in Berlyn asook die tweede Olimpiade na die Olimpiese Somerspele 1908 wat in die Britse hoofstad gehou is. Die Olimpiese Winterspele 1948 is in St. Moritz, Switserland, aangebied.

Switserse roeiers het die Olimpiese vlag in 'n langboot vanuit Basel na Londen geneem

Die Somerspele was baie eenvoudig en het later as die Austerity Games bekend gestaan vanweë die ekonomiese klimaat waarin die na-oorlogse Verenigde Koninkryk hom bevind het. Weens die Britse regering se strenge besparingsbeleid is geen nuwe fasiliteite vir die Spele beplan en opgerig nie en atlete in bestaande behuising gehuisves. Die Olimpiese dorp in Uxbridge het uit kasernes bestaan, die vervoer was ontoereikend en voedsel soos vleis, botter, melk en brood was steeds gerantsoeneer.

Daar is ook op die infrastruktuur bespaar en geen nuwe sportplekke is vir die Spele opgerig nie. Die Wembley-stadion, wat eintlik 'n sokkerstadion is, het vir die geleentheid 'n atletiekbaan bygekry. Die nabygeleë Empire Pool is vir beide die saalsporte sowel as die swemkompetisies gebruik. Die fietsry het by die opgeknapte Herne Hill plaasgevind en daar is op die Teemsrivier geroei.

'n Rekordgetal van 59 nasies het aan die Spele deelgeneem en is deur altesaam 4 104 atlete in 17 sportdissiplines verteenwoordig, van wie 3 714 manlik en 390 vroulik was. Weens hul dade tydens die Tweede Wêreldoorlog is Duitsland en Japan deelname aan die Spele geweier. Die Sowjetunie is uitgenodig maar het verkies om geen atlete na Londen te stuur nie.[5]

Sporte

[wysig | wysig bron]

17 Olimpiese sportsoorte in 136 dissiplines is tydens die Spele beoefen. Tydens die Spele is 138 goue medaljes oorhandig. Daarbenewens is wedstryde in verskeie demonstrasiesporte beslis.

Stadions

[wysig | wysig bron]

Sportplekke wat tydens die Olimpiese Somerspele 1948 gebruik is:

Binne Londen

[wysig | wysig bron]
Die Olimpiese vlam tydens die openingseremonie van die Olimpiese Somerspele 1948 in die Wembley-stadion
Openingseremonie van die 1948 Londen-Spele in die Wembley-stadion
Die twee torings van Wembley-stadion, voorheen bekend as Empire-stadion, in 2002
Empire Pool, nou bekend as Wembley Arena, in 2007
Stadion Sporte Kapasiteit
Arsenal-stadion Sokker 73 000
Champion Hill Sokker 3 000
Craven Cottage Sokker 25 700
Empire Pool Boks, Sierduik, Swem, Waterpolo 12 500
Empire-stadion Atletiek, Ruitersport (spanspring), Veldhokkie (medaljewedstryde), Sokker (medaljewedstryde) 82 000
Empress Hall, Earl's Court Boks, Gimnastiek, Gewigoptel, Stoei 19 000
Finchley Lido Waterpolo Nie gelys nie
Green Pond Road-stadion Sokker 21 708
Griffin Park Sokker 12 763
Guinness Sports Club Veldhokkie Nie gelys nie
Harringay Arena Basketbal, Stoei Nie gelys nie
Herne Hill Velodrome Fietsry (baan) Nie gelys nie
Lynn Road Sokker 3 500
Lyons' Sports Club Veldhokkie Nie gelys nie
Polytechnic Sports Ground Veldhokkie Nie gelys nie
Royal Military Academy Moderne vyfkamp (hardloop) Nie gelys nie
Selhurst Park Sokker 26 309
Wembley Palace of Engineering Skermsport Nie gelys nie
White Hart Lane Sokker 36 310

Buite Londen

[wysig | wysig bron]
Stadion Ligging Sporte Kapasiteit
Aldershot Command Central Sports Ground Hampshire Ruitersport (dressuur, driegangkampioenskap, individuele spring), Moderne vyfkamp (perdry, skermsport, swem) Nie gelys nie
Bisley National Rifle Association Ranges Bisley, Surrey Moderne vyfkamp (skietsport), Skyfskiet Nie gelys nie
Fratton Park Portsmouth Sokker Nie gelys nie
Goldstone Ground Brighton Sokker Nie gelys nie
Henley Royal Regatta Henley-on-Thames Kanovaart, Roei Nie gelys nie
Torbay Devon Seilvaart Nie gelys nie
Tweseldown Racecourse Fleet, Hampshire Ruitersport (driegangkampioenskap) Nie gelys nie
Windsor Great Park Windsor, Berkshire Fietsry (pad) Nie gelys nie

Deelnemende nasies

[wysig | wysig bron]

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die getal atlete per land in hakies aangedui:

Suid-Afrikaanse deelname

[wysig | wysig bron]
Die hoofartikel vir hierdie afdeling is: Suid-Afrika op die Olimpiese Spele.

Gerald Dreyer (liggewig) en George Hunter (ligswaargewig) wen goud, Dennis Shepherd (veergewig) silwer en John Arthur die bronsmedalje in boks.

Getal medaljes

[wysig | wysig bron]
Kaart van deelnemende nasies in 1948:

   Neem vir die eerste keer deel

   Het reeds vantevore deelgeneem

     Gasheerstad Londen

Hier is die top tien lande wat medaljes by die Spele verower het:

 Plek  Land  Deelnemers Goud Goud Silwer Silwer Brons Brons Totaal
1 Vlag van Verenigde State van Amerika Verenigde State (USA) 300 38 27 19 84
2 Vlag van Swede Swede (SWE) 181 16 11 17 44
3 Vlag van Frankryk Frankryk (FRA) 316 10 6 13 29
4 Vlag van Hongarye Hongarye (HUN) 129 10 5 12 27
5 Vlag van Italië Italië (ITA) 213 8 11 8 27
6 Vlag van Finland Finland (FIN) 129 8 7 5 20
7 Vlag van Turkye Turkye (TUR) 58 6 4 2 12
8 Flag of Czechoslovakia Tsjeggo-Slowakye (TCH) 87 6 2 3 11
9 Vlag van Switserland Switserland (SUI) 181 5 10 5 20
10 Vlag van Denemarke Denemarke (DEN) 162 5 7 8 20
12 Vlag van Verenigde Koninkryk Verenigde Koninkryk (GBR) 398 3 14 6 23
18 Vlag van Suid-Afrika Suid-Afrika (RSA) 35 2 1 1 4

Sien ook

[wysig | wysig bron]

Verwysings

[wysig | wysig bron]
  1. ↑ "Factsheet – The Games of the Olympiad" (PDF) (in Engels). Internasionale Olimpiese Komitee. Desember 2017. Geargiveer (PDF) vanaf die oorspronklike op 23 Desember 2018. Besoek op 4 Maart 2018.
  2. ↑ "Factsheet – The Programme of the Games of the Olympiad" (PDF) (in Engels). Internasionale Olimpiese Komitee. Oktober 2017. Geargiveer (PDF) vanaf die oorspronklike op 22 April 2020. Besoek op 4 Maart 2018.
  3. ↑ "Factsheet – Opening Ceremony of the Games of the Olympiad" (PDF) (in Engels). Internasionale Olimpiese Komitee. 11 Januarie 2018. Geargiveer (PDF) vanaf die oorspronklike op 25 Desember 2018. Besoek op 4 Maart 2018.
  4. ↑ "Past Olympic host city election results" (in Engels). GamesBids. Geargiveer vanaf die oorspronklike op 10 November 2018. Besoek op 4 Maart 2018.
  5. ↑ "'A very British Olympics'" (in Engels). BBC Sport. 18 Oktober 2005. Geargiveer vanaf die oorspronklike op 24 Junie 2018. Besoek op 4 Maart 2018.

Verdere leesstof

[wysig | wysig bron]
  • (en) David Wallechinsky (2004). The Complete Book of the Summer Olympics, Athens 2004 Edition. SportClassic Books. ISBN 978-1-894963-32-9.
  • (en) Bijkerk, Anthony T. (2004). "Pierre de Coubertin". In John E. Findling, Kimberly D. Pelle (red.). Encyclopedia of the Modern Olympic Movement. Greenwood Publishing Group. ISBN 0-313-32278-3. OCLC 52418065.
  • (de) Volker Kluge (1998). Olympische Sommerspiele. Die Chronik Teil 2. London 1948 – Tokio 1964. Berlin: Sportverlag. ISBN 3-328-00740-7.

Eksterne skakels

[wysig | wysig bron]


Olimpiese Spele Logo van die Olimpiese Spele

Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032

Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030  • 2034
Internasionale Olimpiese Komitee – Nasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.

Ontsluit van "https://af.wikipedia.org/w/index.php?title=Olimpiese_Somerspele_1948&oldid=2692204"