N12 (Suid-Afrika)
Nasionale roete N12 | ||||
---|---|---|---|---|
![]() | ||||
![]() Die N12 by Perseboom Drift in Meiringspoort deur die Swartberge | ||||
Roete-inligting | ||||
Onderhou deur SANRAL | ||||
Lengte | 1 342 km (834 mi) | |||
Belangrike aansluitings | ||||
Suidwespunt | ![]() | |||
![]() ![]() ![]() ![]() ![]() ![]() ![]() ![]() ![]() ![]() | ||||
Noordoospunt | ![]() | |||
Ligging | ||||
Stede | George Oudtshoorn Beaufort-Wes Kimberley Klerksdorp Potchefstroom Johannesburg Germiston eMalahleni | |||
Snelwegstelsel | ||||
Genommerde roetes in Suid-Afrika
|
![](http://upload.wikimedia.org/wikipedia/commons/thumb/0/0b/Meiringspoort-001.jpg/220px-Meiringspoort-001.jpg)
![](http://upload.wikimedia.org/wikipedia/commons/thumb/f/f3/Road_near_alberton.jpg/220px-Road_near_alberton.jpg)
![](http://upload.wikimedia.org/wikipedia/commons/thumb/b/b3/Marais_Road_Bridge%2C_N12_Freeway_to_airport_near_Bedfordview%2C_Johannesburg.jpg/220px-Marais_Road_Bridge%2C_N12_Freeway_to_airport_near_Bedfordview%2C_Johannesburg.jpg)
Die N12 is een van die nasionale paaie in Suid-Afrika. Die pad verbind George, Wes-Kaap, met Witbank, Mpumalanga. [1]
Kusvlakte
[wysig | wysig bron]Die N12 begin in George waar dit van die N2 afdraai. Dit gaan deur George en klim vinnig waar dit as die Outeniquapas oor die Outeniekwaberge gaan. Nou is die reisiger in die Klein-Karoo.
Klein-Karoo
[wysig | wysig bron]Ongeveer 5 km na die Outeniquapas draai die N9 van die N12 af. Die N12 kronkel noordwaarts, verby baie volstruisplase en kruis die Olifantsrivier voor dit deur Oudtshoorn gaan. Die afstand van George na Oudtshoorn is 59 km. In Oudtshoorn swaai die N12 oos, verby Dysselsdorp, deur De Rust en Meiringspoort. In die poort is daar baie besienswaardighede. Anderkant die poort gaan die reisiger deur Klaarstroom en is nou in die Koup. Die pad is 57 km lank van Oudtshoorn na Klaarstroom.
Die Koup
[wysig | wysig bron]Die N12 hou nou reg noord, plat en reguit; 117 km later sluit die N12 by die N1 aan en 6 km later is die reisiger in Beaufort-Wes. Die N12 en N1 bly een pad (noordoos) tot by Drie Susters, Noord-Kaap, waar die N12 noordwaarts afdraai. Die reisiger is nou in die Karoo.
Karoo
[wysig | wysig bron]Van Drie Susters kronkel en rol die pad vir 62 km na Victoria-Wes. Vanaf Victoria-Wes is die pad lank en reguit vir 104 km voor Britstown bereik word. By Britstown gaan die N12 oor die spoorlyn wat De Aar met Namibië verbind en kruis ook die N10. Die pad is nou lank en reguit vir 77 km na ’n klein dorpie, Strydenburg en hou so aan vir nog 56 km tot by Hopetown. Net na Hopetown gaan die N12 oor die Oranjerivier en betree die groot noordweste van Suid-Afrika. Op pad na Kimberley (120 km verder) gaan die N12 verby ’n klomp slagvelde van die Tweede Vryheidsoorlog. Die eerste is Belmont, dan Graspan, dan volg Modderrivier en laaste Magersfontein. Kimberley bied ook verskeie besienswaardighede aan die reisiger en is baie bekend vir diamante en die Groot Gat. Net verby Kimberley is Kamferdam aan die linkerkant en nou hou die N12 noordwaarts vir 71 km tot by Warrenton.
Noordwes
[wysig | wysig bron]Anderkant Warrenton swaai die N12 noordoos, kruis die Vaalrivier en gaan die Noordwes binne. Die N12 hou noordoos en bly parallel met die Vaalrvier vir 40 km tot by Christiana en hou so aan vir nog 57 km tot by Bloemhof waar die bekende Bloemhofdam is. En steeds rol die N12 voort, 64 km verder gaan die pad deur Wolmaransstad en nog 81 km verder is die reisiger in Klerksdorp. Hier word die eerste goudmyne raakgeloop. Stilfontein, ook ’n myndorp, is net 11 km verder aan met die N12. Steeds hou die N12 noordoos, 35 km later word Potchefstroom binne gery. Potchefstroom bied ook baie besienswaardighede aan die reisiger. Die afdraai na Fochville en Carletonville is net 52 km verder en die reisiger gaan nie net Gauteng binne nie maar ook die Hoëveld.
Ongeveer 8 km voor die Fochville-afdraai is daar ’n 24 m hoë gedenknaald vir die vermaarde Boereverkenner Danie Theron op die plek waar hy gesneuwel het.
Hoëveld
[wysig | wysig bron]Nou is daar baie tekens van mynbou te sien. 22 kilometer vanaf die Fochville-afdraai word ’n groot 4-rigtingstop teëgekom. Hier word die R28-pad gekruis, links draai Randfontein af en regs Vereeniging. Die N12 is nou ’n dubbelbaansnelweg en gaan tussen Lenasia en Soweto deur totdat dit saamsmelt met die N1.
By Diepkloof skei die N12 van die N1. Die pad is nog steeds ’n snelweg, hou oos en staan bekend as die Suidelike Verbypad. Die N12 gaan deur die suidelike voorstede van Johannesburg en swaai dan noord waar dit by die N3 aansluit (ook bekend as die Oostelike Verbypad). By die Gillooly’s-wissellaar skei die N12 van die N3 en hou oos, verby Boksburg, Benoni, Brakpan en Springs. Die N12 hou noordoos en net verby Springs word Mpumalanga binne gegaan.
Mpumalanga
[wysig | wysig bron]Die N12, steeds ’n snelweg, hou noordoos. Die reisiger het nou die steenkoolvelde betree. Die N12 gaan verby Ogies en verskeie kragstasies tot dit aansluit by die N4 buite Witbank.[2][3]
Sien ook
[wysig | wysig bron]Verwysings
[wysig | wysig bron]- ↑ (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014.
- ↑ Op Pad in Suid-Afrika. B.P.J. Erasmus 1995. ISBN 1-86842-026-4
- ↑ Padlangs deur Suid-Afrika. 2010 ISBN 978-1-77007-751-5
Eksterne skakels
[wysig | wysig bron]![]() |
Wikimedia Commons bevat media in verband met N12-pad (Suid-Afrika). |