Monacanthidae

Monacanthidae
Stephanolepis hispidus
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Monacanthidae
Genera
Sien teks vir spesies.

Die Vylvisse (Monacanthidae) is 'n vis-familie van die orde Tetraodontiformes. Daar is een-en-dertig genera met nege-en-negentig spesies in die familie. Sewentien van die spesies kom aan die Suid-Afrikaanse kus voor.

Kenmerke

Die familie Monacanthidae word gereeld met die snellervisse Balistidae verwar maar daar is wesenlike verskille waarvan die grootste verskil by die dorsaalvinne is. Die Monacanthidae het slegs twee dorsaalvinne.

Die familie se lywe is plat en bedek met klein skubbetjies. Die voorste dorsale vin is kort en bestaan uit twee strale. Die tweede kleiner straal kan die voorste groter straal in 'n vertikale posisie sluit. Die tweede dorsale en anale vinne lyk amper identies terwyl die bekkenvin slegs soos 'n uitgegroeide been lyk. Geslagsdimorfie is algemeen in die familie. Die familie word 3 – 100 cm groot.

Die familie leef hoofsaaklik in koraal- en rotsriwwe, en oor sanderige of modderige bodems tot op dieptes van 200 cm. Die groter spesies is eetbaar.

Genera

Die volgende genera en gepaardgaande spesies kom aan die Suid-Afrikaanse kus voor:

• Aluterus

• Aluterus scriptus - Bekrapte leerbaadjie
• Aluterus monoceros - Eenhoring-leerbaadjie

• Amanses

• Amanses scopas - Besemvylvis

• Cantherhines

• Cantherhines dumerilii - Witkolvylvis
• Cantherhines fronticinctus - Brilvylvis
• Cantherhines pardalis - Heuningkoekvylvis

• Oxymonacanthus

• Oxymonacanthus halli - Rooiseeharlekynvylvis
• Oxymonacanthus longirostris - Harlekynvylvis

• Paraluteres

• Paraluteres prionurus - Swartsaal-nabootser

• Pervagor

• Pervagor janthinosoma - Rooistertvylvis

• Stephanolepis

• Stephanolepis auratus - Otjie

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7