Kia Cee'd
_%E2%80%93_Frontansicht,_11._April_2015,_D%C3%BCsseldorf.jpg)
Die Kia Cee'd is 'n kompakte motor wat sedert 2006 deur die Suid-Koreaanse motorvervaardiger Kia Motors uitsluitlik vir die Europese mark vervaardig word. Dit is vrygestel in Desember 2006 en vervang die Kia Spectra. Dit is beskikbaar as 'n vyfdeurluikrug, 'n driedeurluikrug (Pro cee'd) en 'n vyfdeur-estate (Cee'd SW), met 'n keuse van vier enjins (twee petrol en twee diesel), vyf afwerkingsvlakke (1, 2, 3, 4 en 4 Tech - voorheen S, GS, LS en SR) en 'n hand- of outomatiese ratkas.
Die Cee'd is Kia se eerste Europees-ontwerpte en -geboude motor en Kia is van voorneme om die motor uitsluitlik in Europa te vervaardig en verkoop. Om die geleentheid te merk, het Kia die voorletters van die Europese Ekonomiese Gemeenskap, EEG of CEE in sommige plekke en ED vir European Design bygevoeg. Nadat besef is dat "CEEED" te veel E's bevat, is die laaste "E" met 'n apostroof vervang, met "Cee'd" die eindresultaat.
