Iederies
Iederies إدريس (Henog) | ||
Islamitiese profeet | ||
![]() | ||
Iederies besoek die hemel en die hel. | ||
Ander name | (חֲנוֹךְ Ḥănōḵ) | |
Gebore | Babilon | |
Familie | ||
Vader | Jard ibn Mahla'il | |
Moeder | Barkana[1] | |
Gade | Aadanah | |
Kinders | Matusjalach ibn Idris |
Iederies, of Iederies ibn Jard ibn Mahlail[2] (Arabies: إدريس; Engels: Idris), was ’n antieke profeet wat in die Koran genoem word. Hy word beskou as die tweede Islamitiese profeet ná Adam en word in die Koran beskryf as "waarheidsliewend" en "geduldig",[3] en hy het ’n "hoë aansien" gekry.[4][5]
As gevolg hiervan en ander ooreenkomste word Iederies tradisioneel verbind met die Bybelse Henog,[6] seun van Mahalalel, en daarom word hy in die vroeë geslagte van Adam geplaas. Dus is hy een van die Islam se oudste profete wat in die Koran genoem word, iewers tussen Adam en Noag.[7] Iederies se unieke status[8] het baie latere tradisies en verhale oor hom in die Islam geïnspireer.
Volgens hadit het Mohammed hom op sy Nagreis in die vierde hemel teëgekom.[9]
Naam en familie
[wysig | wysig bron]Die betekenis van die naam Iederies word deur sommige beskou as "tolk".[10] Islam beskou die profeet se rol as vertolkend en mistiek. Latere Islamitiese bronne (uit die 8ste eeu) het begin vertel Iederies het twee name gehad: Iederies en Henog, en ander bronne het selfs vertel Iederies se regte naam is Henog en dat hy in Arabies Iederies genoem word "vanweë sy toewyding aan die bestudering van die heilige boeke van sy voorouers Adam en Set".[11]
Iederies se vader was Jered en sy moeder Barkana. Sy vrou se naam was Aadana. Hy het ’n seun gehad met die naam Metusalag, wat eindelik die oupa van Noag sou wees. Dit beteken Iederies was Noag se oupagrootjie.[12]
Koran
[wysig | wysig bron]Iederies word twee keer in die Koran genoem, waar hy beskryf word as ’n wyse man. In soera 19 sê God:
En vermeld Iederies in die Boek. Voorwaar, hy was ’n waarheidsliewende man, ’n profeet. En Ons het vir hom ’n hoë aansien gegee.[13]
Later, in soera 21, word hy weer geprys:
En Ismael en Iederies en Dhoel-Kiefil; hulle almal was tussen die geduldiges; en Ons het hulle in Ons genade opgeneem. Sekerlik, hulle was onder die weldoeners.[14]
Verwysings
[wysig | wysig bron]- ↑ Maqsood, Ruqaiyyah Waris. "Adam to the Banu Khuza'ah". Geargiveer vanaf die oorspronklike op 6 Augustus 2016. Besoek op 29 Julie 2018.
- ↑ "Akhnukh [said to be Idris] son of Yarid - Family Tree Diagram by Happy Books, The Islamic Children's Book Publishers". Geargiveer vanaf die oorspronklike op 9 Oktober 2019.
- ↑ Koran, Soera 19:56 en Soera 21:85
- ↑ Koran, Soera 19:57
- ↑ Encyclopedia of Islam, "Idris", Juan Eduardo Campo, Infobase Publishing, 2009, bl. 344
- ↑ Encyclopedia of Islam, Juan Eduardo Campo, Infobase Publishing, 2009, bl. 559
- ↑ Encyclopedia of Islam, Juan Eduardo Campo, Infobase Publishing, 2009, bl. 344
- ↑ Encyclopedia of Islam, Juan Eduardo Campo, Infobase Publishing, 2009, bl. 344
- ↑ Hadit: http://www.usc.edu/org/cmje/religious-texts/hadith/muslim/001-smt.php#001.0309 Geargiveer 28 November 2015 op Wayback Machine 1:309, 1:314
- ↑ Encyclopedia of Islam, Infobase Publishing, 2009, bl. 344
- ↑ Encyclopedia of Islam, Juan Eduardo Campo, Infobase Publishing, 2009, bl. 344
- ↑ "Hazrat Idrees / Enoch (علیہ السلام) - Biography" (in Engels). Geargiveer vanaf die oorspronklike op 9 Oktober 2019.
- ↑ Koran, Soera 19:56-57
- ↑ Koran, Soera 21:85-86
Eksterne skakels
[wysig | wysig bron]- Prophets - when & where Geargiveer 29 Junie 2011 op Wayback Machine
Hierdie artikel is vertaal uit die Engelse Wikipedia
Profete van Islam, soos in die Koran genoem. | ![]() |
||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|