Hercules-dwergsterrestelsel

	Hercules-dwergsterrestelsel
	Die Hercules-dwergsterrestelsel het ’n langwerpige vorm. ; Bron: LBT
Soort stelsel	Dwergsterrestelsel
Sterrebeeld	Hercules
Tipe	dSph
	Waarnemingsdata (Epog J2000)
Regte klimming	16h 31m 02s
Deklinasie	+12º 47' 30"
Skynmagnitude	14,7
	Besonderhede
Afstand (ligjaar)	479 000
Skynbare grootte	16′,8
Kenmerke	Melkwegsatelliet
Ander name	Her
Portaal	Sterrekunde

Die Hercules-dwergsterrestelsel of Her is ’n sferoïdale satellietstelsel van die Melkweg in die sterrebeeld Hercules. Dit is in 2006 ontdek in data van die Sloan- Digitale Lugopname.^[1] Dit is sowat 479 000 ligjare van die Son af en beweeg weg van die Son teen ’n snelheid van sowat 45 km/s.^[1]^[2]

Die stelsel het ’n duidelike langwerpige vorm, wat dalk veroorsaak word deur getykragte van die Melkweg wat daarop inwerk.

Hercules is een van die Melkweg se kleinste en dofste satelliete – dit het ’n absolute magnitude van sowat −6,6, wat ooreenstem met dié van ’n bolvormige sterreswerm.^[1] Sy massa is egter 7 miljoen sonmassas; die groot verhouding tussen massa en ligsterkte (330) dui op die teenwoordigheid van baie donkermaterie.

Die sterre is hoofsaaklik ou sterre wat meer as 12 miljard jaar gelede gevorm is en was waarskynlik van die eerste sterre in die heelal. Hulle bevat ook baie min metale. Daar vind tans geen stervorming plaas nie.

Verwysings

Hierdie artikel is vertaal uit die Engelse Wikipedia

↑ ^1,0 ^1,1 ^1,2 Belokurov, V.; Zucker, D.B.; Evans, N.W.; Kleyna, J.T.; Koposov, S.; Hodgkin, S.T.; Irwin, M.J.; Gilmore, G.; Wilkinson, M.I. (2007). "Cats and Dogs, Hair and a Hero: A Quintet of New Milky Way Companions". The Astrophysical Journal. 654 (2): 897. doi:10.1086/509718.
↑ Simon, J. D.; Geha, M. (2007). "The Kinematics of the Ultra‐faint Milky Way Satellites: Solving the Missing Satellite Problem". The Astrophysical Journal. 670: 313. doi:10.1086/521816.

[Belokurov2007-1] 1,0 ^1,1 ^1,2 Belokurov, V.; Zucker, D.B.; Evans, N.W.; Kleyna, J.T.; Koposov, S.; Hodgkin, S.T.; Irwin, M.J.; Gilmore, G.; Wilkinson, M.I. (2007). "Cats and Dogs, Hair and a Hero: A Quintet of New Milky Way Companions". The Astrophysical Journal. 654 (2): 897. doi:10.1086/509718.

[Simon2007-2] Simon, J. D.; Geha, M. (2007). "The Kinematics of the Ultra‐faint Milky Way Satellites: Solving the Missing Satellite Problem". The Astrophysical Journal. 670: 313. doi:10.1086/521816.

[1]

[2]