Greenpeace
Greenpeace (letterlik: groen vrede) is 'n internasionale nie-regeringsorganisasie wat vir die beskerming en bewaring van die omgewing werk. Die organisasie is in 1971 in Vancouver, Kanada gestig. Dit het sedertdien internasionaal uitgebrei en het tans nasionale kantore in 46 lande. Greenpeace se hoofkantoor is in Amsterdam in Nederland gesetel.
In die 1980's ontvang Greenpeace internasionale aandag nadat die Franse intelligensiediens die Rainbow Warrior, een van Greenpeace se skepe, in die Auckland-hawe gebombardeer en gesink het. Een persoon is tydens die voorval oorlede. In die daaropvolgende jaar het Greenpeace tot een van die grootste omgewingsorganisasies ter wêreld ontluik.
Greenpeace is bekend vir sy direkte aanslag en is al as die mees sigbare omgewingsorganisasie ter wêreld beskryf.[1][2] Die organisasie het al menige omgewingskwessies aan die openbare klok gehang, en oefen druk op beide die privaat en die openbare sektor uit.
Verwysings
[wysig | wysig bron]- ↑ Henry Mintzberg & Frances Westley – Sustaining the Institutional Environment Geargiveer 10 Oktober 2015 op Wayback MachineBNET.com
- ↑ Canada: A People's History – Greenpeace CBC
Eksterne skakels
[wysig | wysig bron]- Greenpeace se amptelike webtuiste
Wikimedia Commons het meer media in die kategorie Greenpeace.
