Fokker Dr.I
Fokker Dr.I | |
---|---|
Tipe | Trippeldekker vegvliegtuig |
Vervaardiger | Fokker |
Ontwerp deur | Reinhold Platz |
Nooiensvlug | 5 Junie 1917 |
Aantal gebou | 320 |
Die Fokker Dr.I was 'n driedekker, enkelsitplek vegvliegtuig wat deur die Duitse Lugmag gebruik is tydens die Eerste Wêreldoorlog. Die vliegtuig het bekend geraak omrede die Rooi Baron Manfred von Richthofen dit gebruik het. Die vliegtuig is ontwikkel in antwoord op die Britse Sopwith Driedekker. Die afkorting Dr is kort vir Dreidecker.
Ontwikkeling
[wysig | wysig bron]![](http://upload.wikimedia.org/wikipedia/commons/thumb/f/f8/Fokker_Dr1_on_the_ground.jpg/220px-Fokker_Dr1_on_the_ground.jpg)
Die Fokker Dr.I is so gou moontlik vir produksie gebring in 1917 na sy nooiensvlug op 15 Junie. Dit het die front bereik in Oktober van dieselfde jaar. Die vliegtuig was uiters beweeglik en rats, maar nie so vinnig nie as gevolg van die drie vlerke se verhoogde lugweerstand.
Sukses
[wysig | wysig bron]Baie van Duitsland se bobaasvlieëniers het die vliegtuig gebruik. Luitenant Werner Voss het tien oorwinnings behaal tussen 3 en 23 September 1917. Hy sterf egter in 'n luggeveg teen 'n Royal Aircraft Factory S.E.5a.
Produksiemodelle het Manfred von Richthofen se Jagdgeschwader (Vegeskader) in Oktober bereik maar was onmiddellik uit diens onttrek na 'n paar noodlottige ongelukke. Ondersoek is ingestel, wat foute in die vlerkkonstruksie aan die dag gelê het. Nadat dit egter reggestel is, was die Fokker Dr.I teen die einde van November terug in aksie. Vervaardiging is in Mei 1918 gestaak en alle Fokker Dr.Is is uit diens onttrek. Die vliegtuig is op daardie stadium as ondiensbaar beskou.
Luitenant Carl Jacobs het die meeste sukses behaal in dié vliegtuig, naamlik 41 oorwinnings.
Tegniese besonderhede
[wysig | wysig bron]Item | Statistiek |
---|---|
Aantal motore | 1 |
Tipe motor | Skroef |
Vervaardiger | Oberursel Ur.II 9-silinder stermotor. |
Kraglewering per motor | Onbekend |
Vlerkspan | 7,2 m |
Lengte | 5,77 m |
Hoogte | 2,95 m |
Vlerkoppervlakte | 18,7 m2 |
Maks. opstygmassa | 585 kg |
Maksimum snelheid | 165 km/h |
Operasionele hoogte | 6 095 m |
Togafstand | 1,5 uur |
Klimvermoë | 1 000 m in 2 minute 54 sekondes |
Bewapening | Twee 7,92 mm masjiengewere |
Meer voorstellings
[wysig | wysig bron]Sien ook
[wysig | wysig bron]Bron
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9