Erlend Øye
Erlend Øye | |
|---|---|
 Erlend Øye tydens 'n regstreekse opvoering. | |
| Agtergrondinligting | |
| Gebore | 21 November 1975 Bergen, Noorweë |
| Assosiasies | Kings of Convenience, The Whitest Boy Alive |
Erlend Øye (* Bergen, Noorweë, 21 November 1975) is 'n Noorse musikant, veral bekend vir sy deel in die popduo Kings of Convenience. In 2003 het hy die soloalbum Unrest uitgebring en in 2004 'n meng-CD in die DJ Kicks-reeks. Sy musiekloopbaan het in Bergen afgeskop, waar hy saam met enkele vriende die musiekgroep Skog opgerig het. In 1997 het hy na Londen verhuis, waar hy in die groep Peachfuzz gespeel het. Tydens vakansies tuis in Bergen het hy saam met Eirik Glambek Bøe musiek gemaak, en hulle het in 1998 die groep Kings of Convenience gevorm. In 2001 het hierdie groep hul eerste ateljeealbum Quiet is the New Loud uitgebring, en in 2004 is die daaropvolgende vrystelling, Riot on an empty street, uitgebring.
Øye het hom in elektroniese musiek verdiep en het die volgende paar jare in Berlyn deurgebring, of op reis oor die hele wêreld, terwyl hy sy soloalbum Unrest opgeneem het. Op die Unrest-album staan tien snitte, elk met 'n verskillende elektronikakunstenaar, soos onder andere Metro Area, Prefuse 73 en Schneider TM, en hierdie snitte is in tien verskillende stede opgeneem. Hy het 'n musiektoer ondergaan as 'n platejoggie wat met die musiek wat hy speel, meesing, en in 2004 het hy die vroeër genoemde meng-CD in die DJ Kicks-reeks uitgebring.
Øye se mees onlangse projek is die groep The Whitest Boy Alive. Die groep het oorspronklik as 'n elektroniese groep ontstaan, maar het langsaam na 'n groep sonder geprogrammeerde elemente ontwikkel. Erlend behartig die voorsang en 'n kitaar vir die projek.
Diskografie
[wysig | wysig bron]- Unrest (2003)
- Sudden Rush (2003)
- Sheltered Life (Enkelspeler, 2003)
- DJ-Kicks: Erlend Øye (2004)
- The Black Keys Work (2004)
Musiek met Erlend Øye op stem
[wysig | wysig bron]- Röyksopp — "Remind Me", op Melody A.M. (2001)
- Röyksopp — "Poor Leno", op Melody A.M. (2001)
- Jolly Music — "Talco Uno", op Jolly Bar (2001)
- Cornelius — "Drop" (KOC Remix), op Drop EP (2002)
- Dntel — "This is the Dream of Evan and Chan" (Safety Scissors Remix), op This is the Dream... EP (2002)
- Phonique — "For the Time Being", op Identification (2004)
- DJ Hell — "Keep on Waiting", op NY Muscle (2003)
- Star You Star Me — "A Place In My Heart", op A Place In My Heart EP (2004)
- Kaos — "Lessons In Love", op Hello Stranger (2005)
- Ada — "Cool My Fire", op Blondix 2 EP (2005)
Eksterne skakels
[wysig | wysig bron]- Amptelike webwerf Geargiveer 16 November 2011 op Wayback Machine (en)
