Djiboeti
- Hierdie bladsy handel oor die land Djiboeti, vir die hoofstad van Djiboeti, sien gerus Djiboeti (stad).
| |||||
Nasionale leuse: Unité, Égalité, Paix (Frans vir: "Eenheid, Gelykheid, Vrede") | |||||
Volkslied: Djiboeti | |||||
![]() | |||||
Hoofstad | Djiboeti stad | ||||
Grootste stad | Djiboeti stad | ||||
Amptelike tale | Arabies en Frans[1] | ||||
Regering | Dominante party semi-presidensiële republiek Ismaïl Omar Guelleh[2] Abdoulkader Kamil Mohamed | ||||
Onafhanklikheid • van Frankryk
|
27 Junie 1977[1] | ||||
Oppervlakte - Totaal - Water (%) |
23 200[1] km2 (150ste) 8 958 myl2 0,09 | ||||
Bevolking - 2014-skatting - Digtheid |
810 179[1] (19de) 37,2 / km2 (168ste) 96,4 / myl2 | ||||
BBP (KKP) - Totaal - Per capita |
2012-skatting | ||||
BBP (nominaal) - Totaal - Per capita |
2012-skatting | ||||
MOI (2013) | ![]() | ||||
Gini (2009) | 40,0 – medium | ||||
Geldeenheid | Frank (DJF )
| ||||
Tydsone - Somertyd |
OAT (UTC+3) nie toegepas nie (UTC+3) | ||||
Internet-TLD | .dj | ||||
Skakelkode | +253 |
Djiboeti (Arabies: جيبوتي, Ǧībūtī), amptelik die Republiek Djiboeti (ook Djibouti), is 'n land in Oos-Afrika, geleë op die Horing van Afrika. Djiboeti word begrens deur Eritrea in die noorde, Ethiopië in die weste en suide, en Somalië in die suidooste. Die res van die grens word deur die Rooisee en die Golf van Aden gevorm. Oorkant die Rooisee, op die Arabiese Skiereiland, 20 km van die kus van Djiboeti, is Jemen. Die hoofstad van Djiboeti is die gelyknamige stad: Djiboeti.
Geskiedenis
[wysig | wysig bron]![](http://upload.wikimedia.org/wikipedia/commons/thumb/6/61/Satellite_image_of_Djibouti_in_November_2001.jpg/220px-Satellite_image_of_Djibouti_in_November_2001.jpg)
Die gebied van Djiboeti word alreeds duisende jare deur verskillende nomadiese groepe bewoon, waarna verwys word in antieke musiek en gedigte. Hulle het ook leer en pels verhandel vir speserye en parfuum met bewoners van antieke Egipte, Indië en China. Die huidige bewoners is die Afar en Somaliese Issastamme. Hierdie stamme het in die laaste 1000 jaar gereelde handelskontak met die Arabiere gehad en was van die eerste stamme in Afrika om Islam as hulle geloof aan te neem.
In die 19de eeu vestig Frankryk 'n protektoraat in die gebied genaamd Frans-Somaliland, regeer deur Léonce Lagarde. Onafhanklikheid is verklaar in 1887 toe 'n plaaslike stam die agt permanente soldate wat daar geplaas is, omvergewerp het. Dié periode van onafhanklikheid het egter slegs drie weke geduur, waarna die gebied weereens gekoloniseer is. In 1967 word die naam verander na die Franse Gebied van die Afare en die Issa's. Op 27 Junie 1977 word die land as Djiboeti onafhanklikheid toegeken.
'n Burgeroorlog gelei deur die Afarrebelle in die vroeë 1990's is beëindig deur 'n vredesverdrag in 1994.
Politiek
[wysig | wysig bron]"Ismail Omar Guelleh is Saterdag ingesweer vir 'n tweede en finale ses-jaar termyn as president van die piepklein nasie aan Horing van Afrika", is berig deur die amptelike nuusagentskap, Agence Djiboutienne d'Information (ADI). Guelleh het 100 persent van die stemme verwerf in 'n eenmanstryd op 8 April. Volgens ADI het 78,9 persent van ongeveer 197 000 geregistreerde kiesers 'n stem uitgebring – by 200 stembusse – oral in die land. Opposisiepartye boikot die verkiesing en beskryf dit as "belaglik, gemanipuleer en 'n gemors". Verskeie leiers uit die omliggende streek was teenwoordig by die inhuldigingseremonie.
Djiboeti se tweede president, Guelleh is vir die eerste keer in 1999 verkies toe hy oorgeneem het by sy oom, Hassan Gouled Aptidon, wat die land sedert onafhanklikheid van Frankryk in 1977 regeer het.
Die staatshoof van Djiboeti is die president, wat vir 'n termyn van ses jaar verkies word. Die president stel die eerste minister aan en staan aan die hoof van die raad van ministers.
Die wetgewende liggaam word gevorm deur die Chambre des Deputes, wat bestaan uit 65 lede wat elke vyf jaar verkies word.
Onderafdelings
[wysig | wysig bron]![](http://upload.wikimedia.org/wikipedia/commons/f/f5/Djibouti_districts_named.png)
Djiboeti is verdeel in in vyf regions en een stad.
- Ali Sabieh Region (Region d'Ali Sabieh)
- Arta Region (Region d'Arta)
- Dikhil Region (Region de Dikhil)
- Djiboeti (stad) (Ville de Djibouti)
- Obock Region (Region d'Obock)
- Tadjourah Region (Region de Tadjourah)
Geografie
[wysig | wysig bron]![](http://upload.wikimedia.org/wikipedia/commons/thumb/3/38/Djoboeti.png/220px-Djoboeti.png)
Die land is geleë in die Groot Skeurvallei en grens aan die Rooisee. Die Assalmeer is die laagste punt van Afrika en is 155 m onder seevlak.
Ekonomie
[wysig | wysig bron]Djiboeti se ekonomie is gegrond op diensaktiwiteite wat verband hou met die land se strategiese ligging en status as 'n vryhandelsgebied in Noordoos-Afrika. Twee-derdes van die inwoners woon in die hoofstad, die res is meestal nomadiese veewagters. Geringe reënval beperk verbouing van gewasse tot vrugte en groente, en meeste voedsel moet ingevoer word.
Djiboeti verskaf dienste beide as 'n deurvoerhawe vir streek- en internasionale oorskeping en brandstofherlaaisentrum. Dit het min natuurlike hulpbronne en min nywerhede. Die nasie is daarom swaar afhanklik van buitelandse bystand om die land se betalingsbalans en finansiering van ontwikkelingsprojekte te ondersteun. Werkloosheidkoers wat op 40% tot 50% staan bly steeds 'n groot probleem. Inflasie is egter nie 'n probleem nie as gevolg van die vaste koppeling van die frank aan die Amerikaanse dollar. Per capita verbruik het met sowat 35% gedaal oor die laaste sewe jaar as gevolg van resessie, burgeroorlog, en hoë bevolkingsgroeitempo (insluitend immigrante en vlugtelinge). Hernude gevegte tussen Ethiopië en Eritrea het ook normale eksterne handelskanale versteur. Met veelvuldige ekonomiese probleme wat in die gesig gestaar word, het die regering agterstallig geraak in die terugbetaling van langtermyn buitelandse skuld en sukkel om te hou by die bepalings van buitelandse skenkers.
Demografie
[wysig | wysig bron]Die bevolking kan in twee hoofgroepe verdeel word, die Issa of Somaliërs wat 60% beslaan en die Afar, van omtrent 35%. Die res bestaan uit Europeërs (meestal Franse en Italianers), Arabiere en Ethiopiërs. Die teenwoordigheid van twee verskillende groepe was die oorsaak van die burgeroorlog van die begin van die 1990's.
Byna al die mense van Djiboeti is Moslems, slegs 'n klein persentasie is Christene, vernaamlik die Europeërs.
Alhoewel Frans en Arabies die amptelike tale is word Somalies en Afar algemeen gepraat.
Verwysings
[wysig | wysig bron]- ↑ 1,0 1,1 1,2 1,3 "Djibouti". The World Factbook (in Engels). Central Intelligence Agency. Geargiveer vanaf die oorspronklike op 4 Mei 2020. Besoek op 1 Augustus 2014.
- ↑ "DJIBOUTI: Guelleh sworn in for second presidential term" (in Engels). 4 Desember 2005. Geargiveer vanaf die oorspronklike op 29 November 2006.
- ↑ 3,0 3,1 3,2 3,3 (en) "Djiboeti". Internasionale Monetêre Fonds. Besoek op 1 Augustus 2014.
- ↑ "2014 Human Development Report Summary" (PDF) (in Engels). United Nations Development Programme. 2014. pp. 21–25. Geargiveer (PDF) vanaf die oorspronklike op 1 November 2019. Besoek op 1 Augustus 2014.
Verdere inligting
[wysig | wysig bron]- Djibouti: Pawn of the Horn of Africa Robert Saint-Veran
- Historical Dictionary of Djibouti Daoud A. Alwan
- Naval Strategy East of Suez: The Role of Djibouti Charles W. Koburger
Eksterne skakels
[wysig | wysig bron]![]() |
Wikimedia Commons bevat media in verband met Djiboeti. |
Regering
[wysig | wysig bron]Nuus
[wysig | wysig bron]- allAfrica nuushooftrekke skakels
- Daily press review in Frans en Engels
Oorsigte
[wysig | wysig bron]- BBC News – Country Profile: Djibouti
- CIA World Factbook – Djibouti Geargiveer 21 Desember 2005 op Wayback Machine
Gidse
[wysig | wysig bron]- Djibouti guide Geargiveer 6 Februarie 2006 op Wayback Machine Uitgebreide inligting en bronne oor Djibouti
- Arab Gateway – Djibouti Geargiveer 30 Oktober 2008 op Wayback Machine directory category
- LookSmart – Djibouti Geargiveer 4 Maart 2016 op Wayback Machine directory category
- Open Directory Project – Djibouti Geargiveer 25 Oktober 2005 op Wayback Machine directory category
- Stanford University – Africa South of the Sahara: Djibouti directory category
- University of Pennsylvania – African Studies Center: Djibouti directory category
- Yahoo! - Djibouti Geargiveer 19 Januarie 2009 op Wayback Machine directory category
Toerisme
[wysig | wysig bron]- Toerisme-inligting oor Djiboeti op Wikivoyage