Die Hoëpriester (tarotkaart)
Die Hoëpriester of Die Opperpriester is die vyfde troefkaart in tarotkaartspeletjies en die vyfde Groot Arcana-kaart in pakke vir waarsêery. Dit word in albei gebuik. Die Hoëpriester in pakke vir waarsêery is afgelei van die historiese kaart bekend as "Die Pous" in speelkaarte. Die naam kom van die term vir die hoogste priestersamp.[1]
Beskrywing
[wysig | wysig bron]In baie moderne speelkaartpakke word Die Hoëpriester uitgebeeld met sy regterhand opgelig in 'n seëning, met twee vingers wat boontoe en twee wat ondertoe wys. Dit vorm dus 'n brug tussen die hemel en die hel, nes die liggaam van Die Gehangde Man. Die Hoëpriester is dus die bouer van die brug tussen godheid en mens. In sy linkerhand hou hy 'n pouslike kruis. Drie spykers steek bo uit sy kroon, wat simbolies is van die kruisiging van Jesus.[2] Die kaart was eers bekend as "Die Leraar van Wysheid".
In die meeste ikonografiese uitbeeldings sit Die Hoëpriester op 'n troon tussen twee pilare: die reg en vryheid, of gehoorsaamheid en ongehoorsaamheid, na gelang van die vertolking. Hy dra 'n driedubbele kroon en die sleutels tot die hemel is aan sy voete. Soms word hy saam met aanbidders uitgebeeld, want sy alternatiewe naam is "Die Pous", of soms "Jupiter".[3] Die naam is die manlike vorm van 'n ander kaart, Die Hoëpriesteres, wat ook soms "Die Pousin" genoem word.[2]
Vertolking
[wysig | wysig bron]Die Hoëpriester verteenwoordig regverdigheid, heiligheid, hiërargiese volgorde[4] en ortodoksie.[5] Hy is 'n oningewyde figuur, in teenstelling met die ingewyde simbolisme van Die Priesteres.[2] Omgekeer, kan die Hoëpriester verteenwoordigend wees van onortodoksie, oorspronklikheid en liggelowigheid.[5]
Volgens A.E. Waite se boek van 1910 Pictorial Key to the Tarot word Die Hoëpriester in waarsêery met verskillende dinge verbind:[6]
5. DIE HOËPRIESTER. – huwelik, bondgenootskap, gevangenskap, diens; of andersins genade en goedheid; inspirasie. Omgekeer – gemeenskap, goeie begrip, ooreenstemming, oorgoedheid, swakheid.
In astrologie word Die Hoëpriester verbind met die vroulike teken van die Bul en sy heerserplaneet, Venus.[7]
Verwysings
[wysig | wysig bron]- ↑ "Hoëpriester" in die HAT. Aanlyn by viva-afrikaans.org (intekening nodig). Besoek op 7 Januarie 2024.
- ↑ 2,0 2,1 2,2 Place, Robert (17 Maart 2005). The Tarot: History, Symbolism, and Divination (in Engels). Penguin. p. 196. ISBN 978-1-4406-4975-2.
- ↑ Dummett, Michael and Ronald Decker. History of the Occult Tarot. Duckworth, 2002.
- ↑ Swain, Kelcey (2016-08-16), V. The Hierophant, https://research-information.bris.ac.uk/en/publications/v-the-hierophant, besoek op 2023-10-07
- ↑ 5,0 5,1 Pollack, Rachel (30 September 2009). Seventy-Eight Degrees of Wisdom: A Book of Tarot (in Engels). Weiser Books. p. 57. ISBN 978-1-57863-408-8.
- ↑ Waite, Arthur Edward, 1857-1942. (2005). The pictorial key to the tarot (PDF). Mineola, NY: Dover Publications. ISBN 0-486-44255-1. OCLC 57549699.
{{cite book}}: AS1-onderhoud: meer as een naam (link) - ↑ "A Taste of Tarot: Taurus & The Hierophant". Tarot.com (in Engels (VSA)). Besoek op 14 Julie 2023.
Skakels
[wysig | wysig bron]
Wikimedia Commons het meer media in die kategorie Die Hoëpriester (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
