David Gill
Sir David Gill (12 Junie 1843 − 24 Januarie 1914) was 'n Britse sterrekundige, gebore in Aberdeen, Skotland. Hy is opgelei as 'n horlosiemaker, iets wat hom goed te pas gekom het in sy werk. Lord Crawford (graaf van Lindsay) het hom in 1872 aangestel as hoof van sy private sterrewag by Dun Echt. In 1877 gaan hy saam met sy vrou na Ascension-eiland om die Venus-oorgang waar te neem.
In 1879 is hy as Haar Majesteit se Astronoom in Kaapstad aangestel, 'n amp wat hy amper 30 jaar lank beklee het. Onder hom het die Kaapse Sterrewag wêreldbekend geword en menigte vername besoekers gelok. Gill se uitstaande werk sluit onder andere in, 'n opname van die Suidelike Hemel, die fotografering van die maan, die begin van die Geodetiese Opname, die opmeting van sterafstande en 'n poging tot die bou van die Perfekte Klok om die aarde se omwenteling te meet. Die Bruce-medalje word in 1900 aan hom toegeken.
Gill verlaat die Kaap in 1907 en is in 1914 in Engeland oorlede.
Bronne
[wysig | wysig bron]- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
Eksterne skakels
[wysig | wysig bron]
Wikimedia Commons het meer media in die kategorie David Gill.
