Chow-chow
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
![](http://upload.wikimedia.org/wikipedia/commons/thumb/a/aa/03_Bokeh_the_Chow.jpg/260px-03_Bokeh_the_Chow.jpg)
Die Chow-chow (soms net Chow) is 'n honderas oorspronklik uit die noorde van China,[1] waar dit na verwys word as Songshi Quan (Pinyin: sōngshī quǎn 鬆獅犬), wat beteken "groot-leeuhond". Die ras is ook bekend as die Tang Quan, "die Hond van die Tang-ryk." Daar word geglo dat die Chow-chow een van die inheemse honde is wat gebruik was as die model vir die Foo hond, die tradisionele klipwagte gevind aan die voorkant van die Boeddhistiese tempels en paleise.[2][3] Dit is een van 'n paar ou honderasse wat steeds in die hedendaagse wêreld bestaan.[4]
Een skrywer het voorgestel dat die Chow-chow sy oorsprong het in China 2000 jaar gelede of in die Arktiese Asië 3000 jaar gelede en toe migreer het na Mongolië, Siberië en verder na China. DNS-ontleding dui daarop dat die Chow-chow een van die Ou honderasse is.[5]
Die Chow-chow het waarskynlik ontstaan in die hoë steppegebiede van Siberië of Mongolië, en is veel later gebruik as tempelwagte in China, Mongolië en Tibet.'n Bas-reliëf van 150 v.C. (tydens die Han-dinastie) sluit 'n jaghond met 'n voorkoms soortgelyk aan die Chow in. Later is Chow-chow geteel as 'n veeldoel-werkende hond vir die aanjaag van vee, vir jag, om te trek en te bewaak. Vanuit rekords wat oorleef het, blyk dit dat sommige geskiedkundiges glo dat die Chow die hond is wat die Mongoolse leërs begelei het toe hulle die suide van China sowel as die weste van Europa en die suidweste van die Midde-Ooste in die 13de eeu binnegeval het.
Een Chinese legende noem die groot oorlogshonde uit Sentraal-Asië wat soos swarttong-leeus gelyk het. Van een Chinese heerser is gesê dat hy self 5 000 Chows besit het. Die Chinese het ook Chows gebruik om hondesleë te trek, dit is deur Marco Polo waargeneem. Die Chow Chow is ook geteel vir menslike verbruik.[6]
Voorkoms
[wysig | wysig bron]Die Chow-chow is 'n stewiggeboude hond, vierkantig in profiel, met 'n breë skedel en klein, driehoekige, regop ore met afgeronde wenke. Die ras is bekend vir 'n baie digte dubbelpelslaag wat óf glad of grof kan wees. Die pels is veral dik in die nekarea, wat dit 'n kenmerkende maanhaarvoorkoms gee. Die pels kan rooi, swart, blou, kaneel/ligbruin, of room wees.[7] Nie al hierdie kleurvariëteite word as geldig erken in alle lande nie. Individue met 'n veelkleurige kleed word beskou as buite die rasstandaard. Die Chow-chow se oë is tipies diep geplaas en amandelvormig. Die ras word gekenmerk deur sy ongewone blou-swart/pers tong en baie reguit agterbene. Die blou kleur strek tot by die Chow-chow se lippe; dit is die enigste honderas met hierdie kenmerkende blou kleur in sy mond en mondholte (ander honde het 'n swart of bont patroon in hul monde). 'n Verdere onderskeidende kenmerk is die krullerige stert. Dit het dik hare en die krul lê tot op sy rug. Die neus moet swart wees, maar die blousoort-Chow-chow kan 'n soliede blou of leiklip-gekleurde neus hê. Volgens die Amerikaanse Kennel Club se rasstandaarde, is enige ander kleur nie aanvaarbaar vir kompetisies nie.[8]
Die gene vir die blou-swart/pers tong blyk dominant te wees, aangesien die meeste gemengde-rashonde wat uit 'n Chow-chow kom die tongkleur behou. Die blou-swart/pers tong kan egter ook by die Shar Pei gevind word. Dit is nie te sê, dat elke gemengde ras hond met pers kolle op die tong die afstammelinge van Chow-chow is nie, aangesien pers kolle ook op die tonge van ander geteelde honde gevind kan word.[9]
- Kenmerkende Chow-chow-eienskappe
-
Reguit agterbene
-
Digte dubbellaag
-
Pers-swart tong
-
Blou lippe en mondholte
-
Jong hondjie speel
-
Stewige bou, vierkantig in profiel
-
'n Chow-chow hondjie. Stert krul oor die rug.
Verwysings
[wysig | wysig bron]- ↑ Case, Linda P. (2005).
- ↑ Sacred Dog of Sinkiang
- ↑ Foo Dogs are Ancient Guardians
- ↑ Parker, Heidi G. (21 Mei 2004). "Genetic Structure of the Purebred Domestic Dog" (PDF). Science. 304 (5674). doi:10.1126/science.1097406. Geargiveer vanaf die oorspronklike (PDF) op 5 September 2014. Besoek op 2 Augustus 2017.
- ↑ Collie or Pug?
- ↑ Schwabe, Calwin W.: Unmentionable Cuisine, p. 168.
- ↑ http://chowchowclub.co.za/breed-info/colours-coat.htm.
- ↑ http://www.akc.org/breeds/chow_chow/.
- ↑ http://www.chowwelfare.com/cciw/blacktongue.htm.