Amalfi
Ligging in Salerno | Wapen |
![]() | |
![]() | |
Vlag | |
![]() | |
Land | ![]() |
Gewes | ![]() |
Provinsie | Salerno (SA) |
Koördinate | 40°38′8″N 14°36′09″O / 40.63556°N 14.60250°O |
Stigting | Omstreeks 320 n.C. |
Oppervlakte: | |
- Totaal | 6 vk km |
Hoogte bo seevlak | 6 m |
Bevolking: | |
- Totaal (31 Desember 2017) | 5 102 |
- Bevolkingsdigtheid | 895,1/vk km |
Tydsone | UTC +1 (MET) |
Burgemeester | Daniele Milano |
Amptelike Webwerf | comune.amalfi.sa.it |
Amalfi is 'n nedersetting en munisipaliteit (comune) in die provinsie Salerno van die Italiaanse administratiewe gewes Campania (Kampanië). Dit is geleë aan die Golf van Salerno, by die mond van 'n diep ravyn en aan die voet van die bergpiek Monte Cerreto (1 315 meter bo seevlak), in 'n kusgebied wat oorheers word deur kranse.
![](http://upload.wikimedia.org/wikipedia/commons/thumb/9/91/Amalfi_-_Beach_%284785999669%29.jpg/220px-Amalfi_-_Beach_%284785999669%29.jpg)
![](http://upload.wikimedia.org/wikipedia/commons/thumb/e/e0/Ravello_-_Villa_Rufolo_001.jpg/220px-Ravello_-_Villa_Rufolo_001.jpg)
As Hertogdom Amalfi was die nedersetting naas Venesië, Genua en Pisa een van vier Middeleeuse stadstate wat as Repubbliche Marinare of historiese Seerepublieke tot belangrike handelsmoondhede in die Middellandse See ontwikkel het. Amalfi het sy bloeitydperk as seerepubliek tussen 839 en die eerste derde van die 12de eeu beleef - met 'n bevolking van sowat 50 000. In 1131 is Amalfi deur die Normandiese Koninkryk Sisilië onder Roger II geannekseer.
Maar dit was aanvalle deur die Pisaanse vloot in 1135 en 1137 en natuurrampe soos 'n tsoenami in 1343 en aardverskuiwings wat laer geleë stadsdele en die seehawe vernietig en sodoende 'n einde gemaak het aan Amalfi se seehandeltradisie. Vervolgens het Amalfi se ekonomie op visvangs, die verbouing van suurlemoene, die vervaardiging van pasta en ambagte soos goudsmeekuns gesteun - en op die vervaardiging van papier, 'n kuns wat deur plaaslike vaklui in Arabiese lande aangeleer is. Bergstroompies het Amalfi se sestien papiermeule, wat onder die vroegstes in Wes-Europa gereken word, van die benodigde water voorsien.[1]
Met die bou van 'n staatsroete deur Ferdinand, die Bourbonse koning van Napels, is Amalfi in die 19de eeu vir moderne toerisme ontsluit. Bekende besoekers soos die Duitse komponis Richard Wagner, die Amerikaanse digter en opvoedkundige Henry Wadsworth Longfellow en die Noorse dramatikus Henrik Ibsen het bygedra tot Amalfi se groeiende gewildheid. Gedurende die 1920's en 1930's was Amalfi 'n gewilde vakansiebestemming vir Britse adellikes en ander lede van die hoërklas.