Voëlent
| Voëlent | |
|---|---|
| |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | T. oleifolius
|
| Binomiale naam | |
| Tapinanthus oleifolius (J.C.Wendl.) Danser
| |
| Sinonieme | |
| |
Voëlent of vuurhoutjies (Tapinanthus oleifolius (J.C.Wendl.) Danser) is 'n halfparasiet wat op talle bome kan groei. Dit is inheems aan Namibië en Suid-Afrika en kom in die provinsies Noord-Kaap, Vrystaat, Noordwes en Limpopo voor. Dit is op die SANBI-rooilys as 'veilig' gelys.[1]
Hierdie plant groei aan bome vas en gebruik hul plantsap. Dit het verdikte blare wat vaalgroen van kleur is. Dit dra opvallende blomme wat gewoonlik 'n rooi kleur het en insekte aantrek. Die vrug het 'n rooi velletjie wat deur voëls gevreet word. Daaronder is die pit wat baie klewerig is en hom aan die voël se bek vasheg. Die voël probeer van die pit ontslae te raak deur dit teen 'n tak te vryf, wat die saadjie op 'n tak van 'n ander boom "ent". Op die plek waar dit vassit veroorsaak dit abnormale groei van die gasheer. Die 'houtrose' wat dit veroorsaak word soms as dekorasie gebruik.[2]
Die halfparasiet tap in die gasheerboom se xileem en verkry daarmee stikstof- en koolstofverbindings. Hoewel die voëlent ook self fotosinteer, kan tussen 35% en 78% van die fotosintetiese produkte van die gasheer afkomstig wees.[3]
Fotogalery
[wysig | wysig bron]
Verwysings
[wysig | wysig bron]- ↑ "SANBI-rooilys" (in Engels). Geargiveer vanaf die oorspronklike op 20 September 2015.
- ↑ Anka Eichhoff se plantstories.
- ↑ Carbon and nitrogen parasitism by a xylem-tapping mistletoe (Tapinanthus oleifolius) along the Kalahari Transect: a stable isotope study Lixin Wang, Barney Kgope, Paolo DÓdorico, Stephen A. Macko African Journal of Ecology, 46(4), 2008, 540–546.