Pier Paolo Pasolini

Pier Paolo Pasolini
Geboorte	(1922-03-05)5 Maart 1922
Sterfte	2 November 1975 (op 53)
Nasionaliteit	Italië

Pier Paolo Pasolini (Italiaans: [ˌpjɛr ˈpaːolo pazoˈliːni]; 5 Maart 1922 - 2 November 1975) was 'n Italiaanse filmregisseur, digter, skrywer en intellektueel, wat hom ook onderskei het as akteur, joernalis, romanskrywer, dramaturg en politieke figuur.

Hy bly 'n kontroversiële persoonlikheid in Italië vanweë sy stomp styl en die fokus van sommige van sy werke op seksuele taboe-aangeleenthede. Hy was 'n gevestigde hooffiguur in Europese letterkunde en filmkuns. Sy moord het heftige openbare proteste in Italië uitgelok, terwyl steeds debatte gevoer word oor die omstandighede daarvan. Pasolini is dood op die strand van Ostia naby Rome aangetref. 'n Nadoodse ondersoek het gewys dat hy deur sy eie motor doodgery is. Die motor het blykbaar verskeie kere bo-oor hom gerol.

In 1979 is die manlike prostituut Pier Pelosi, wat op die tydstip van die moord sewentien jaar oud was, van moord aangekla en skuldig bevind. Hy is tot 'n tronkstraf van nege jaar en sewe maande gevonnis wat hy tot 1982 uitgedien het. Eers later het hy beweer dat hy die moord in opdrag van verskeie opdraggewers gepleeg het. Die Italiaanse joernalis Oriana Fallaci het die amptelike verklarings in verband met die moord op Pasolini in twyfel getrek en in 'n artikel, wat op 14 November 1975 in die weekblad L'Europeo gepubliseer is, beweer dat die regisseur in opdrag van regsgesinde groeperings vermoor is. Sy het nogtans geweier om getuies te benoem. Pelosi is in 2017 oorlede.

Eksterne skakels

Media

---

• Wikimedia Commons het meer media in die kategorie Pier Paolo Pasolini.
• (it) YouTube.com: Lettera a Pier Paolo Pasolini di Oriana Fallaci 1975
• (it) YouTube.com: Pier Paolo Pasolini, una voce fuori dal cori. In: Città Segrete Roma, uitgesaai deur RAI 3 HD op 22 Desember 2018 (tweede bydrae in videosnit)