Seilvis
Die Seilvis (Istiophorus platypterus) (Engels: Sailfish) word aangetref vanaf Valsbaai tot verby Maputo tot by die Rooisee en die Persiese Golf. Dit kom ook voor in die Indiese-Pasifiese area. Dit kom in die oopwater voor en word veral langs die KwaZulu-Natalse kus gevang.
| Seilvis | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Lacépède, 1801
|
| Spesie: | I. platypterus
|
| Binomiale naam | |
| Istiophorus platypterus (Shaw, 1792)
| |
Identifikasie
wysigDit is 'n snawelvis met 'n groot rugvin wat soos 'n seil lyk. Dit word tot 3m lank en weeg 65 kg. Die wêreldrekord is 100 kg en gevang by die Galapagos-eilande in 1947. Die vis het 'n lang slanke lyf met die eerste dorsale vin wat groot, lank en donkerblou is. Die middelste stekels is die langste van dié vin. Daar is 42 tot 49 stekels in die eerste dorsale vin. Die kop en lyf is donkerblou aan die bokant en silwerig aan die onderkant. Daar is 'n reeks van ongeveer twintig vertikale strepe wat uit ligblou kolletjies bestaan op die kante van die lyf.
Habitat en gewoontes
wysigDie vis is 'n pelagiese vis maar word meer dikwels oor die kontinentale banke gevind. Hulle verkies subtropiese water. Hulle is roofvisse wat 'n verskeidenheid visse vreet: sardyne, ansjovis, makriel, dorado. Die visse jag in groepe saam.
Die vis se vleis is donkerrooi en nie so smaaklik soos dié van marlyn nie.
Sien ook
wysigBronne
wysig- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.
- Gids tot die kusgebiede van Suid-Afrika. Jacana Media. 2007. ISBN 978-1-77009-215-0.
- First Field Guide to Fishes of Southern Africa. Rudy van der Elst. 1999. ISBN 978-1-86872-288-4
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
