Prom

'n Prom is in die Verenigde State 'n semiformele dansbal wat die skooljaar afsluit. Prom is 'n afkorting vir "promenade".

Tieners geklee vir 'n prom, hier by die preprom, wat die vergadering tuis voor die bal is.

Op kleiner hoërskole kan alle leerlinge na die eindjaarsbal gaan, maar op groter skole is die bal alleen vir leerlinge uit die laaste twee klasse bestem, respektiewelik die junior prom vir die 11de graad en senior prom vir die 12de en ook laaste graad. Sommige colleges (Amerikaanse universiteite) vier ook 'n prom.

Seuns dra gewoonlik 'n tuxedo met 'n cummerbund of onderbaadjie terwyl meisies 'n aandrok (prom dress) dra. Tradisioneel bied die paar mekaar 'n blomstuk aan: die meisie kry 'n corsage van die seun, terwyl die seun wat die meisie se hand daardie aand neem van haar 'n boutonnière ontvang om in sy knoopsgat te dra. Gewoonlik huur die seun (oftewel sy ouers) 'n limousine met 'n chauffeur om met die meisie na die prom gekarwei te word.

Tydens die prom word meestal 'n aandete ontvang en op die dansvloer gedans. Dit is ook tradisie om uit die leerlinge 'n koning en koningin te kies, die sogenaamde prom king en prom queen. Die paar word uit 'n aantal genomineerde leerlinge gekies, die sogenaamde prom court van prom princes en prom princesses.

Soms word ook 'n anti-prom deur leerlinge gereel as protes teen die (in hul oë) ouderwetse, strakgereelde en geldverslindende tradisie.

Die eindjaarsbal word ook in ander lande gevier, maar heet daar anders, byvoorbeeld grad of forma in Kanada, Leavers' Ball in die Verenigde Koninkryk, Abi-Feier in Duitsland, en matriekafskeid in Suid-Afrika.

Die prom is 'n bekende Amerikaanse kulturele fenomeen wat gereeld in rolprente, televisiereekse en ander gewilde kultuuruitinge opduik. Enkele voorbeelde is die rolprente Carrie (1976, gebaseer op 'n roman van Stephen King), Prom Night (1980, met 'n remake in 2008), en Prom Wars (2008).

Eksterne skakels

• Wikimedia Commons het meer media in die kategorie Prom.