Wikipedia

Jip en Janneke

Jip en Janneke is 'n Nederlandse kinderboekreeks wat geskryf is deur Annie M.G. Schmidt en geïllustreer is deur Fiep Westendorp. Die reeks is bekend vir sy eenvoud, skerpsinnigheid en spitsvondigheid.

Standbeeld van Jip en Janneke in Zaltbommel, Nederland

Die reeks is oorspronklik geskryf vir Het Parool. Tussen 13 September 1952 en 7 September 1957 is 'n weeklikse episode van ongeveer 250 woorde gepubliseer. Elke episode is 'n onafhanklike verhaal op sigself. Die verhale is later versamel en as boeke gepubliseer. [1]

Die reeks is in 'n aantal tale vertaal, waaronder Standaardmandaryns (getiteld Yǐyǐ hé Yāyā, Vereenvoudigde Chinees: 乙 乙 和 丫丫), Hebreeus, [2] en Latyn (getiteld Jippus et Jannica). [3] Drie Engelse weergawes is gepubliseer. Mick and Mandy, 'n verwerking met die oorspronklike illustrasies en Bob and Jilly, vertalings met nuwe illustrasies, is nie meer in druk nie. In 2008 het die Nederlandse uitgewer Querido 'n nuwe vertaling deur David Colmer van die eerste boek van die reeks, met die oorspronklike illustrasies, gepubliseer (Jip and Janneke).

Die reeks het 'n gewilde ikoon geword en het 'n groot hoeveelheid handelsware geïnspireer. Een van die bekendstes hiervan is Jip en Janneke-bubbelsap, 'n niealkoholiese limonadegaskoeldrank wat in sjampanjestyl plastiekbottels verkoop word.

Jip en Janneke het die afgelope jare deel van 'n uitdrukking geword: "Jip-en-Janneketaal" is 'n uitdrukking wat "eenvoudige taal" of "leketaal" beteken. Dit word meestal in die konteks van die politiek gebruik wanneer politici van mening is dat hulle hul idees in "Jip-en-Janneketaal" moet uitdruk om mense te laat verstaan waarvan hulle praat. [4]

Boeke

wysig
Oorspronklike reeks
  • (1953) Jip en Janneke [5]
  • (1954) De groeten van Jip en Janneke [6]
  • (1955) Hop maar Jip en Janneke [7]
  • (1956) Daar gaan Jip en Janneke [8]
  • (1957) Een zoentje van Jip en Janneke [9]
  • (1958) Goed zo, Jip en Janneke [10]
  • (1959) Pas op, Jip en Janneke [11]
  • (1960) Eventjes lachen, Jip en Janneke [12]
Heruitgereikte reeks
  • (1963) Jip en Janneke: Eerste boek [13]
  • (1964) Jip en Janneke: Tweede boek [14]
  • (1964) Jip en Janneke: Derde boek [15]
  • (1964) Jip en Janneke: Vierde boek [16]
  • (1965) Jip en Janneke: Vijfde boek [17]
Omnibus
  • (1977) Jip en Janneke [18]

Verwysings

wysig
  1. ↑ Joke Linders, 'Een veelvoudig debuut, 1950-1955', 1999. Opgespoor op 21 Mei 2019.
  2. ↑ https://www.am-oved.co.il/%D7%99%D7%99%D7%A4-%D7%95%D7%99%D7%A0%D7%A7%D7%94
  3. ↑ Theo Hermans, Colloquium Neerlandicum 14 (2000 ), 2001. Opgespoor op 21 Mei 2019.
  4. ↑ Peter Debrabandere, Neerlandia/Nederlands van Nu, 2007. Opgespoor op 21 Mei 2019.
  5. ↑ Jip en Jan-ne-ke (1953), Fiepwestendorp.nl. Opgespoor op 19 Mei 2019.
  6. ↑ De groe-ten van Jip en Jan-ne-ke (1954), Fiepwestendorp.nl. Opgespoor op 19 Mei 2019.
  7. ↑ Hop maar Jip en Jan-ne-ke (1955), Fiepwestendorp.nl. Opgespoor op 19 Mei 2019.
  8. ↑ Daar gaan Jip en Jan-ne-ke (1956), Fiepwestendorp.nl. Opgespoor op 19 Mei 2019.
  9. ↑ Een zoen-tje van Jip en Jan-ne-ke (1957), Fiepwestendorp.nl. Opgespoor op 19 Mei 2019.
  10. ↑ Goed zo, Jip en Jan-ne-ke (1958), Fiepwestendorp.nl. Opgespoor op 19 Mei 2019.
  11. ↑ Pas op, Jip en Jan-ne-ke (1959), Fiepwestendorp.nl. Opgespoor op 19 Mei 2019.
  12. ↑ E-ven-tjes la-chen, Jip en Jan-ne-ke (1960), Fiepwestendorp.nl. Opgespoor op 19 Mei 2019.
  13. ↑ Jip en Janneke – Eerste boek (1963), Fiepwestendorp.nl. Opgespoor op 19 Mei 2019.
  14. ↑ Jip en Janneke – Tweede boek (1964), Fiepwestendorp.nl. Opgespoor op 19 Mei 2019.
  15. ↑ Jip en Janneke – Derde boek (1964), Fiepwestendorp.nl. Opgespoor op 19 Mei 2019.
  16. ↑ Jip en Janneke – Vierde boek (1964), Fiepwestendorp.nl. Opgespoor op 19 Mei 2019.
  17. ↑ Jip en Janneke – Vijfde boek (1965), Fiepwestendorp.nl. Opgespoor op 19 Mei 2019.
  18. ↑ Jip en Janneke (1977). Fiepwestendorp.nl. Opgespoor op 21 Mei 2019.
Ontsluit van "https://af.wikipedia.org/w/index.php?title=Jip_en_Janneke&oldid=2389844"