美斯訪港丨東張女神炮轟「違反商品說明條例」抽水王林作：香港足球史上最大騙案

更新時間：19:36 2024-02-04
發佈時間：19:36 2024-02-04

阿根廷球王美斯（Lionel Messi）隨球隊國際邁亞密旋風式訪港，今日國際邁亞密在香港大球場與香港隊踢表演賽，不少藝人、名人亦現身追星！不過美斯今日因傷並無落場，在現場更被球迷噓爆，不少藝人對於未能見到美斯踢波亦感到相當可惜。

群星未能見美斯落場好失望？

今日美斯因傷未有落場對戰香港隊，令球迷大感惋惜，現場更有球迷即場噓爆。有去睇波的牛雜妹今次是第一次買飛入場睇波，卻看不到偶像美斯出場，她在IG留言說：「我期待了很久的日子，到最後很遺憾，看不到美斯上場☹️ #IKnowHowYouFeel #尷尬的球賽 #二當家都只係熱身 #💸💸 #第一次課金睇波 #無咩事我要去賺錢先」雖然片中開始好興奮，不過轉眼間就變成失望表情。《東張》女神陳庭欣亦有去睇波，她更炮轟「違反商品說明條例」，更指有不少球迷表示要報《東張西望》。

鍾培生提議特首挑戰碧咸打拳賽

有去睇波的鍾培生即時拍片，笑說：「建議特首挑戰同碧咸打返場拳賽，為香港攞返個公道。」鍾培生死對頭抽水王林作亦去睇波，更在IG留言說：「可能係香港足球史上最大嘅騙案，本人宣佈，即時開始聯絡各路現場球迷，組成『香港反足球詐騙大聯盟』，誓要討回公道。38000個苦主，我唔信有一個對今日經歷感到收貨。後續將會持續update大家。」

美斯訪港丨哪些城中名人現身睇波？

游學修直擊南亞裔爬上睇波

而游學修亦在IG貼出被NowTV拍到睇波的截圖，留言說：「5,000蚊買個曝光機會。」暗諷花半萬元買門票入場，卻未能睇美斯踢波。吳肇軒留言笑說：「開心啲諗，你同偶像同一個pose坐咗兩個鐘。」素海霖亦留言說：「你都有啲似足球員。」另外，游學修還竟然在場內直擊到兩個南亞裔人士爬上附近山頭睇波，笑言：「佢兩個仲喺後備席。」

其他文章：

美斯訪港丨梁朝偉劉嘉玲獲碧咸邀請現身！手拖手出場勁恩愛影后一身Chanel登場

美斯訪港｜高海寧成功埋身與碧咸合照晒親筆簽名球衣遭好友妒忌

美斯訪港｜丁子朗胡鴻鈞尖叫自拍旅遊達人索簽名慘食檸檬名媛坐遊艇打卡超架勢

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ