呢篇文章講嘅係上古時代部族。想搵周朝到現代嘅地方文化，請睇「
膠東人」。
萊人係中國一個古老部族，傳說係炎帝神農氏帝厘個仔帝來嘅後人，發明咗種麥嘅部分方法[1]。
根據《尚書》記載，萊夷住喺青州[2]。東漢時期嘅學家馬融認為，住喺海濱的萊夷，叫做嵎夷[3]。萊人建立過東萊國同西萊國，到公元前六世紀就畀齊國吞曬。
到依家，山東半島有好多地方都係用「萊」呢個字嚟改名，例如：萊陽、萊西、萊州、蓬萊、萊蕪、萊山、同萊州灣等等。呢啲基本上都曾經係萊人聚居之處，所以先有今時今日嘅名。
- ↑ 「萊」、「來」、「麥」三個字係有同一個來源嘅
- ↑ 《尚書》〈禹貢〉：「海岱惟青州。嵎夷既略，濰、淄其道。……萊夷作牧。厥篚檿絲。」
- ↑ 陸德明《經典釋文》：「馬融曰：『嵎，海嵎也；夷，萊夷也。』」
