惠施
| 惠施 | |
|---|---|
| 出生日 | 370年 BC  |
| 出生地 | 宋國 |
| 死亡日 | 310年 BC （表達錯: 未預料嘅 < 運算符歲） |
| 國籍 | 戰國 |
| 識嘅語言 | 文言文 |
| 職業 | 哲學家、作家 |
[改維基數據] | |
惠施（wai6 si1，約前370年－前310年），尊稱惠子，係中國戰國時期嘅一位名家代表人物同埋哲學家。
惠施嘅著作冇流傳到落嚟，因為噉佢嘅哲學思想淨係通過第啲人嘅轉述先畀後人所知。其中最重要嘅係佢嘅老友莊子度提到同佢有啦掕嘅思想。
《魚樂之辯》
[編輯]魚樂之辯，係指莊子同惠施嘅一次辯論。呢次辯論以河中嘅鯈魚係咪好開心，同埋雙方點知條魚係咪開心做主題。
原文
[編輯]莊子與惠子遊於濠梁之上。莊子曰：「鰷魚出遊從容，是魚之樂也。」惠子曰：「子非魚，安知魚之樂？」莊子曰：「子非我，安知我不知魚之樂？」惠子曰：「我非子，固不知子矣，子固非魚也，子之不知魚之樂，全矣。」莊子曰：「請循其本。子曰汝安知魚樂云者，既已知吾知之而問我，我知之濠上也。」
粵文
[編輯]莊子同惠子（惠施）嚟到濠水條橋樑上面。莊子話：「鰷魚喺度自由自在噉游緊，呢種就係魚嘅快樂啊！」惠子話：「你唔係魚，你點知條魚係咪開心？」莊子話：「你唔係我，你點知我唔知條魚係咪開心？」惠子話：「我唔係你，本身就唔知道你（知道乜嘢）；而你本身就唔係魚，你唔知道條魚係咪開心係周全嘅（判斷）。」莊子話：「唔該返返去原本嘅問題。你問『你點知條魚係咪開心』呢句話，表示你知道我知道魚係開心嘅之後先問我（知道嘅方法），我（嘅方法）係喺濠水上面（觀察之後）先知道嘅。」
睇埋
[編輯] |