分靈體

分靈體Horcrux係J·K·羅琳嘅小說同電影系列《哈利波特》入面嘅一種魔法物品。呢種嘢係黑巫師或者黑女巫追求永生嘅一種方法，如果要製造分靈體嘅話就一定要透過謀殺人先至做到，然後再利用咒語將自己嘅靈魂一分為二，一份留喺自己身體入面，另一份留喺揀好咗嘅物件。

喺《哈利波特》系列嘅故事入面，佛地魔係其中一個擁有分靈體嘅巫師。成個系列直到第６輯《哈利波特：混血王子的背叛》裡面先至第１次正式被提到分靈體嘅效用。分靈體嘅概念對嗰個系列後期嘅劇情佔咗極之重要嘅位置。

簡介

喺《哈利波特》系列小說入面，分靈體係一種用嚟儲存某個人部分靈魂嘅嘢，保護佢唔使真正咁死咗—呢個亦都係巫師同女巫整分靈體嚟尋求長生不老嘅方式（類似喺其他奇幻作品入面護命匣嘅功能）。根據小說系列入面所講，啲巫師為咗防止佢肉身嘅死亡而分割佢自己嘅靈魂，將一部分擺喺其他物件裡面，而將靈魂擺咗入去嘅物件就做咗分靈體。

任何生勾勾嘅有機體，同埋無生命嘅嘢都可以被用嚟做分靈體，就算前者被認為用起上嚟嘅風險會更加大，因為生命體可以自主咁去郁同去諗嘢（被用嚟做分靈體嘅生物有能力避過索命咒）。當一個巫師將佢嘅靈魂擺喺分靈體入面，佢就冇辦法完全被殺死；若整分靈體嘅人佢嘅肉身被毀嘅話，咁分靈體所保留佢身體入面嘅嗰部分靈魂依然會存在喺世界上，成為喺物質世界入面唯一嘅支柱，令佢唔會過渡去到另一個世界，而係用一種能夠俾另一個巫師或女巫復活嘅非物質形式咁樣存在，就好似《哈利波特：火盃的考驗》同埋《哈利波特：混血王子的背叛》入面所講述嘅咁樣。一個巫師或者女巫嘅肉身喺物質世界入面嘅唯一支柱就係佢嘅靈魂，如果佢嘅分靈體全數被摧毀嘅話，咁樣嘅話就會導致到嗰個巫師或女巫真正嘅死亡。

佛地魔揀咗用呢種方法嚟得到永生，呢個概念係喺《混血王子的背叛》嗰度引入嘅。學生時期嘅佛地魔曾經向當時喺學校做教授嘅史拉轟教授問過有關點樣去整分靈體嘅事，嗰個系列嘅作者羅琳喺小說度引用咗史拉轟教授嘅一段說明性對話嘅記憶嚟揭示創造分靈體需要去犯極為邪惡嘅謀殺罪—將靈魂撕裂係個極之邪惡嘅行為。

史拉轟教授曾經同佢講過，因為嗰個係極之邪惡嘅事，所以只係有極少數嘅巫師同女巫會揀去整分靈體：「靈魂應該要保持完整無缺，將佢撕裂係一種違逆，係違反自然嘅。」

分靈體嘅創造被認為係所有魔法入面最黑暗同埋極之邪惡嘅嗰種，亦都係極之殘酷嘅事。因為呢個涉及一種禁忌—用嘅邪惡黑魔法—呢樣嘢必須要犯咗好似係謀殺咁嘅滔天罪行，嚟到將靈魂撕裂，然後仲要念一道咒語出嚟，用嚟將嗰個撕裂咗嘅靈魂注入去嗰樣物件度。

每製作一個分靈體（每將靈魂分裂一次）就必須要殺一個人，而且靈魂被分裂之後會令製作者嘅身體變得非常之虛弱，古代曾經淨係有邪惡巫師或者女巫將靈魂分成兩半嘅紀錄，不過佛地魔最後成功咁整咗６個分靈體出嚟，更加喺唔為意之下製造咗多一個分靈體出嚟，而呢個分靈體仲存在喺哈利·波特嘅身體裡面，所以佢分靈體嘅總數係有７個。隨住分靈體製作者嘅靈魂被分裂嘅部分越細，佢失去咗嘅自然人性就會越多，而且被分割嘅靈魂亦會變得越嚟越唔穩定。所以，靈魂碎片喺非常特殊嘅條件下可以喺冇創造者嘅意圖或者知識之下密封喺一個物體入面。雖然受影響嘅物體會好似任何嘅分靈體一樣咁保持製作者永生唔死，不過呢啲嘢並唔會變成「黑暗物體」。

由於創造分靈體係必須要做出極之邪惡嘅事，呢樣嘢亦都冇一個可以自由去用嘅肉體，所以絕大部分嘅魔法書籍並冇記載到相關嘅修練方式，淨係得好似係《黑魔法的秘密Secrets of the Darkest Art》呢啲少數研究邪惡黑魔法嘅書對呢樣嘢有記載。嗰個系列嘅作者羅琳從來都冇發表過分靈體實際嘅魔法力量。妙麗·格蘭傑喺嗰個系列最後一輯小說入面亦係喺呢本書裡面得到同呢樣嘢相關嘅咒語。羅琳透露話佢諗住喺自己長期提及嘅《哈利波特百科全書》入面說明整分靈體嘅過程同埋咒語。

當擁有分靈體嘅人佢本身嘅靈魂被摧毀嗰時，佢會成為一個既痛苦又唔完整嘅生命。呢個亦解釋咗佛地魔喺中咗自己向哈利施展嘅索命咒反彈嗰陣但冇死到，而係成為咗一個唔完整嘅生命體。

佛地魔嘅分靈體

根據阿不思·鄧不利多嘅推測，佛地魔好有可能整咗６個分靈體出嚟，將自己嘅靈魂分咗做７個部分，所以如果要殺咗佛地魔就一定要搵晒所有分靈體出嚟仲要毀滅晒全部。根據推測，佛地魔嘅所有分靈體對佢嚟講都有重要嘅意義，或者係有強大嘅魔法力量。

金盃

赫夫帕夫嘅金盃。

赫夫帕夫嘅金盃Hufflepuff's Cup──呢個係湯姆·瑞斗用海加·赫夫帕夫Helga Hufflepuff嘅金盃嚟整嘅第３個分靈體，嗰個係一個有獾紋章同埋兩個把手嘅精緻金盃，傳說呢樣嘢有好多種不可思議嘅功能。

呢個金盃喺嗰個系列嘅小說《哈利波特：混血王子的背叛》嘅第２０章入面被介紹出嚟，呢樣嘢原本由一位古董收集家—海加·赫夫帕夫疏堂親戚嘅後裔—花奇葩·史密Hepzibah Smith擁有，湯姆·瑞斗毒殺咗佢仲偷埋嗰個金盃，然後嫁禍俾史密嘅家庭小精靈哈佳。佛地魔將呢樣嘢同佢嘅日記一樣變成咗分靈體，後來佢委託貝拉·雷斯壯去運用佢自己家族喺古靈閣高度保密嘅地牢保險庫嚟將呢樣嘢一直保管住。哈利估曾經仙都唔仙吓嘅嘅佛地魔總係好恨去同呢個地方建立起聯繫所以先至會咁做。嗰間銀行會用例如係辣辣燃咒Flagrante同埋複製咒Gemino呢啲額外嘅保護性魔咒嚟保護佢哋金庫裡面嘅嘢。

哈利、榮恩同妙麗喺《哈利波特：死神的聖物》裡面用變身水嚟扮成貝拉·雷斯壯同埋佢嘅老公道夫·雷斯壯仲有叔仔巴坦·雷斯壯闖入去銀行地牢仲偷埋個金盃，咁樣搞到佛地魔嬲到震仲大開殺戒，殺咗好多古靈閣嘅妖精同埋食死人。妙麗同榮恩喺小說嘅第３１章裡面，佢哋喺霍格華茲大戰嗰陣喺消失的密室裡面用蛇妖遺骸上面嘅毒牙嚟摧毀呢個分靈體。

日記

湯姆·瑞斗嘅日記。

湯姆·瑞斗嘅日記Tom Riddle's Diary──呢個係１６歲嘅湯姆·瑞斗喺霍格華茲讀５年級嗰陣用佢本學校日記嚟創造佢嘅第１個分靈體，當時佢利用蛇妖謀殺咗佢嘅同學愛哭鬼麥朵之後再施展黑魔法咒語嚟將佢變成分靈體。嗰本日記喺小說《哈利波特：消失的密室》嘅第１３章入面介紹出嚟，仲喺同一輯小說嘅高潮度俾哈利·波特用蛇妖嘅毒牙嚟摧毀。

嗰本日記係一本寫咗字上去後會吸乾啲墨水嘅空白日記，佛地魔喺佢自己第一次倒台之前將呢個分靈體委託魯休斯·馬份去保管。雖然佛地魔曾經同佢講指出呢樣嘢用嚟做武器嘅價值，但係佢信自己可以協調到馬份去用呢樣嘢；魯休斯亦都意識到呢樣嘢腐敗嘅魔法屬性，不過佢當時並唔知道嗰本日記就係分靈體同埋佢嘅重要性，對呢樣嘢覺得驚嘅佢為咗詆毀亞瑟·衛斯理同埋處置呢個表明有罪嘅黑暗物體，於是佢就喺華麗與污痕書店裡面偷偷哋將呢樣嘢收埋喺金妮·衛斯理嘅大釜裡面，同佢買嘅書撈埋一齊。

嗰本日記後嚟俾金妮用嚟做抒發心情嘢工具，湯姆·瑞斗嘅靈魂碎片就用呢個途徑附喺金妮身上，仲偷偷哋利用佢嚟為密室之門重新被打開做準備，最後仲開始喺佢身上汲取佢嘅靈魂。當時霍格華茲學校裡面有好多人被石化，更加有雄雞被殺，蜘蛛向住學校出面爬。金妮後嚟發現呢樣嘢嘅嚴重性，於是就將佢掉deu6喺學校２樓嘅女生廁所入面。

嗰本日記輾轉就去到哈利·波特手上，哈利向日記問返５０年前密室被打開嘅事，而嗰本日記就誤導佢令佢以為嗰個人就係魯霸·海格。瑞斗喺嗰輯小說嘅尾聲藉住金妮嘅失蹤嚟引誘哈利去打開密室嘅門。哈利喺小說嘅尾聲打低咗蛇妖仲救返金妮條命仔之後，佢就用死咗蛇妖嘅毒牙拮向本日記嚟摧毀佢，令到嗰樣嘢成為咗第１個被銷毀嘅分靈體。

「	最令我覺得好奇同擔憂嘅係，呢本日記既係一種武器，又係一種保護措施。	」
———— 鄧不利多喺《消失的密室》裡面向哈利暗示佛地魔嘅分靈體一定有某種形式嘅備份。

哈利喺事後向鄧不利多報告咗嗰本日記嘅事，鄧不利多第１次同佢暗示話佛地魔可能唔單止整咗１個分靈體，而係整咗幾個。據講魯休斯·馬份當時正諗住去等佛地魔嘅授權，然後先至准佢將嗰本日記偷運去到霍格華茲，不過魯休斯喺佛地魔第１次衰咗之前從來都冇收到過嗰本日記。佛地魔直至強迫魯休斯·馬份講個真相出嚟先至知道嗰本日記已經被摧毀咗嘅事實。

對嗰個系列嘅作者羅琳嚟講，嗰本日記係一件好得人驚嘅嘢，佢喺受訪嗰陣話：「特別係對一個後生女嚟講係個誘惑，就係將心思喺日記上面傾訴。」羅琳嘅阿妹黛安好容易出現呢種情況，佢好驚有人會睇佢本日記，呢本日記本身就係反對傾訴者嘅嘢，呢個令到羅琳產生咗寫日記嘅諗法。當被問到如果金妮死咗而瑞斗諗辦法走甩會發生咩事嘅時候，羅琳透露「咁樣會大大咁加強咗佛地魔當時嘅力量。」

皇冕

雷文克勞嘅皇冕。

雷文克勞嘅皇冕Ravenclaw's Diadem──呢個係一個已經生鏽褪色嘅寶石皇冠，傳說嗰樣嘢可以令戴咗上去嘅人得到額外嘅智慧。

呢個王冕原本係屬於羅威娜·雷文克勞Rowena Ravenclaw，佢個女—海倫娜·雷文克勞Helena Ravenclaw（即係霍格華茲嘅雷文克勞學院駐塔幽靈—灰女士），佢為咗得到可以超越佢阿媽嘅智慧而將呢個皇冕偷咗去。羅威娜後嚟因為患咗重病，於是派咗自己個女嘅追求者—血腥男爵去搵海倫娜返嚟。血腥男爵追尋海倫娜去到阿爾巴尼亞嘅森林，不過海倫娜原本以為血腥男爵係為咗搵返個皇冕而嚟，佢為咗阻止皇冕被攞走而將呢樣嘢收埋喺嗰度森林嘅一棵空心樹下面。血腥男爵喺搵到海倫娜之後要求帶佢返去但係就被拒絕，血腥男爵於是喺妒忌之下將佢殺死咗，然後再自殺。

好多年之後，海倫娜喺有靚仔樣嘅湯姆·瑞斗打聽之下就不其然咁透露咗呢個收埋咗好多年嘅秘密。做咗佛地魔之前嘅瑞斗去到阿爾巴尼亞將嗰個皇冕攞返嚟仲將呢樣嘢變成分靈體。當瑞斗喺後嚟返到去霍格華茲向鄧不利多應徵做黑魔法防禦術教授呢個職位嗰時就將呢個皇冕偷偷咁放喺萬應室裡面。哈利後嚟喺《混血王子的背叛》嗰陣因收埋混血王子嘅魔藥學教科書嗰陣喺唔覺意之下知道咗呢個地方，咁就推論出皇冕收埋喺嗰度。雷文克勞嘅皇冕最後喺萬應室裡面俾哈利佢哋嘅同學——文森·克拉Vincent Crabbe施放嘅「惡魔之火Fiendfyre」燒毀咗（電影版入面係哈利用密室裡面嘅蛇妖隻毒牙嚟摧毀在先，然後就俾榮恩踢入去高爾喺萬應室裡面點著嘅惡魔之火裡面再去摧毀）。

金匣仔

史萊哲林的小金匣。

史萊哲林嘅小金匣Slytherin's Locket──呢個係一個金匣仔，呢樣嘢嘅大細係好似雞蛋咁細隻，而小金匣上面鑲咗好多綠寶石，上面有代表住薩拉札‧史萊哲林嘅「S」字母標記。呢個小金匣由史萊哲林家族透過代代相傳，最後傳到去岡特家族嘅成員—佛地魔嘅阿媽—魔柔·岡特Merope Gaunt嘅手上，作為咗史萊哲林家族最後一支剩低仲喺度嘅血脈。

喺佛地魔嘅麻瓜老豆—老湯姆·瑞斗將大住肚嘅魔柔·岡特拋棄咗之後，魔柔被迫以１０個金加隆嘅價錢將嗰個金匣仔賣咗俾波金與伯克氏商店嘅其中一個店主—加拉塔克·伯克Caractacus Burke，後嚟先至知個價錢只係嗰個金匣仔真實價值嘅一小部分。

嗰個金匣仔最後賣咗俾海加·赫夫帕夫嘅遠房親戚—古董收藏家花奇葩·史密Hepzibah Smith。佛地魔喺謀殺咗花奇葩·史密之後就偷走埋嗰個金匣仔，仲嫁禍俾史密嘅家庭小精靈—哈佳。佛地魔喺謀殺咗個麻瓜流浪漢之後再落咒令到嗰個金匣仔變咗做分靈體。

佛地魔後嚟就同食死人獅子阿爾發·布萊克Regulus Arcturus Black仲有布萊克家族嘅家庭小精靈怪角一齊將嗰個變成咗分靈體嘅金匣仔收埋喺一個受魔法保護嘅海邊山窿入面。原本自願去陪佛地魔一齊收埋嗰個分靈體嘅獅子阿爾發·布萊克，佢後尾終於醒覺自己嘅錯，為咗令到佛地魔喺最後冧檔，佢同怪角利用魔法去保護真正嘅金匣仔再將呢樣嘢偷走，仲將一個夾住張署名做R.A.B.佢個名簡寫嘅老翻金匣仔取代用嚟撚化佛地魔。獅子阿爾發·布萊克後尾喺海邊山窿裡面盡晒力咁對抗陰屍嗰陣，佢將真正嘅金匣仔轉交俾怪角帶返去古里某街12號嘅布萊克家族大宅。因為無辦法做到按照佢主人—獅子阿爾發·布萊克嘅命令去摧毀個小金匣，怪角於是將呢樣嘢保管喺布萊克家族大宅嘅私人櫥櫃裡面，仲咁多年嚟一直保護住呢個金匣仔。

鄧不利多同哈利喺《混血王子的背叛》裡面就係喺海邊山窿嗰度搵到嗰個假嘅金匣仔。後嚟當鳳凰會利用布萊克家族大宅嚟做總部嗰陣，真正嘅金匣仔就俾蒙當葛·弗列契喺怪角嘅私人櫥櫃嗰度偷咗去。當桃樂絲·恩不里居發現佢賣贓物嗰時，弗列契就將呢樣嘢送俾佢用嚟做賄賂。

哈利三人組喺知道呢啲細節之後無幾耐，佢哋冒險咁潛入去恩不里居做嘢嘅魔法部嚟將呢樣嘢偷返番嚟。哈利三人組後嚟喺搵分靈體嘅旅程度輪流咁將呢樣嘢戴喺頸度但係就出現令佢哋不安嘅狀況，當哈利將佢戴喺頸上面仲嘗試喺迪恩森林嘅湖底將葛來分多寶劍拎返上嚟嗰陣時差啲俾呢樣嘢勒死，榮恩後嚟出現仲救返佢。

當榮恩試吓用葛來分多寶劍嚟摧毀呢個金匣仔嗰時，裡面嘅佛地魔靈魂碎片試吓利用榮恩本身嘅恐懼，仲幻化成哈利同妙麗發展浪漫嘅戀愛關係嘅形態嚟影響佢，最後榮恩就用葛來分多寶劍嚟摧毀呢個金匣仔。

哈利後尾喺天狼星·布萊克過咗身之後，佢將獅子阿爾發·布萊克當初用嚟做調包嘅嗰個老翻金匣仔用遺物嘅方式轉送俾怪角用嚟做個紀念。

娜吉妮

内文：哈利波特裡面嘅生物 § 娜吉妮

娜吉妮Nagini──呢個係一條好大條嘅蛇乸，佢喺第２輯前傳系列電影《怪獸與葛林戴華德之罪》入面出現嘅真身係曾經擁有人類形態嘅血咒宿主Maledictus。娜吉妮曾經係馬戲團成員，後嚟唔好彩咁因為血咒而永久咁無咗維持人類形態嘅能力，喺遇到唯一可以同蛇形態嘅佢溝通到嘅爬說嘴——湯姆·瑞斗之後，佢哋共同咁經歷咗患難好多次，所以佢成為咗佛地魔最鍾意嘅寵物。

娜吉妮身上有特殊毒性嘅毒液，佢喺《鳳凰會的密令》嘅電影裡面咬傷咗亞瑟·衛斯理，喺《死神的聖物》裡面殺死咗賽佛勒斯·石內卜。喺《混血王子的背叛》裡面，鄧不利多同哈利原先認為蛇妖娜吉妮係佛地魔喺謀殺小漢果頓瑞斗府嘅老麻瓜花王—法蘭克·布萊斯嗰陣時製造出嚟嘅，不過嗰個系列嘅作者羅琳喺訪問入面講明佢其實係魔法部嘅魔法遊戲與運動部員工柏莎·喬金斯。

殺人無數嘅娜吉妮最後俾奈威·隆巴頓用葛萊分多寶劍殺死。

戒指

魔佛羅·岡特嘅戒指。

魔佛羅·岡特嘅戒指Marvolo Gaunt's Ring──呢個係佛地魔嘅外公—魔佛羅·岡特Marvolo Gaunt擁有嘅一隻匠工粗糙嘅黑色寶石金戒指，嗰粒黑色寶石上面刻咗一個神奇嘅符號，嗰個就係皮福雷家族Peverells嘅紋章。

湯姆·瑞斗喺１５歲讀霍格華茲６年級之前嘅嗰個夏天，佢去到小漢果頓嘅岡特家族嘅屋仔嗰度，扑暈咗佢自己嘅舅父魔份·岡特Morfin Gaunt仲攞走埋嗰隻金戒指。跟住佢去到小漢果頓嘅另一邊將佢嘅麻瓜老豆同埋阿爺阿嫲謀殺死咗，之後再走返轉頭去到岡特家族嘅屋仔仲透過篡改佢舅父嘅記憶嚟屈佢，搞到佢被指控因為殺死麻瓜而被判咗去阿茲卡班監獄坐監。瑞斗將佢攞走咗嘅嗰隻金戒指落咗詛咒仲整成分靈體，最後將呢樣嘢收埋喺岡特家族曾經住過但已經荒廢咗嘅屋裡面。

根據儲思盆裡面嘅記憶，瑞斗喺讀緊霍格華茲嗰段時間都一直戴住呢隻戒指，佢最後仲將呢隻戒指收埋喺已經荒廢咗嘅岡特家族嘅屋裡面，呢樣嘢一直隱藏喺地板下面嘅一個金色盒仔裡面，仲受到好多種魔法嘅保護，直到鄧不利多喺《鳳凰會的密令》同《混血王子的背叛》之間嘅嗰個暑假嗰陣發現到呢樣嘢。

呢隻戒指喺小說《混血王子的背叛》嘅第４章裡面提到，鄧不利多後嚟用葛萊分多寶劍摧毀咗呢個分靈體；不過就正如《死神的聖物》入面所揭示嘅咁樣，鄧不利多仲認得出戒指裡面嘅嗰粒黑色石頭就係傳說中３件死神聖物之一嘅重生石。對於３件死神聖物，重生石就係鄧不利多最恨得到嗰樣嘢，佢嘅原因就係希望令佢阿妹同埋阿爸阿媽復活，咁樣就可以減輕佢對死咗嘅阿妹—阿蕊安娜Ariana嘅愧疚。因為鄧不利多好渴望去激活呢樣嘢嚟向佢已經過咗身好耐嘅屋企人道歉，所以佢當時似乎已經唔記得咗嗰隻戒指亦都係個分靈體而試吓將呢隻戒指戴喺手上面，雖然佢喺事後都覺得呢個完全係唔明智嘅做法，令佢俾附喺戒指上面破壞性嘅保護詛咒搞到受傷，令到佢最後因為戒指上嘅詛咒而受到死得人嘅傷害。嗰個傷勢搞到佢隻右手因為枯萎而造成永久損壞，佢隻手仲因為咁而變到焦黑，而鄧不利多亦只係剩低唔夠１年嘅壽命。如果唔係石內卜插手干預嘅話，佢會更加快因此而無命。不過石內卜淨係可以減慢鄧不利多右手枯萎嘅詛咒，但係就阻止唔到嗰個詛咒搞到佢無命嘅事實。

呢個分靈體喺《混血王子的背叛》嘅開學之前俾鄧不利多用沾染咗蛇妖毒血嘅葛來分多寶劍摧毀，已經被銷毀咗嘅戒指暫時保留喺霍格華茲校長辦公室張辦公檯上面。

哈利·波特

喺《哈利波特：神秘的魔法石》嘅開篇之前發生嘅事件入面，佛地魔當初殺死哈利·波特阿爸阿媽之後，當佢試吓用索命咒嚟殺死哈利嗰陣時，因為莉莉·波特為愛犧牲嘅古老保護魔法，令到佛地魔因佢嘅咒語反彈而搞到佢喺無意之中將自己嘅靈魂分裂咗，佢嗰啲分裂咗嘅靈魂碎片跟住就即刻依附仲封印喺當時現場唯一嘅生命體—當時仲係BB仔嘅哈利身上。呢個係類似去整分靈體嘅方式，不過呢個係無意中整出嚟嘅。佛地魔嘅靈魂已經俾佢自己不斷咁嘅謀殺，同埋佢嘅靈魂俾佢自己之前整嘅分靈體削弱同埋變得唔穩定，佛地魔因為呢個意中嘅靈魂分裂搞到衰弱到差啲就死，而哈利就成為咗唯一可以喺佛地魔手上走得甩嘅人。呢個系列嘅作者羅琳明確咁話，因為佛地魔並冇喺哈利身上施展分靈體嘅咒語，所以哈利從來都冇成為過一個真正嘅「黑暗物體」。

哈利前額上閃電形狀嘅疤痕就係嗰次謀殺唔成嘅直接結果，由呢個形成嘅關係仲被用嚟解釋做幾個重要嘅情節點：呢個亦都同時賦予咗佢哋兩個人嘅心靈相通同埋爬說嘴嘅能力，令哈利喺整個系列入面洞察到佛地魔嘅精神同埋情緒狀態，對方亦都可以偷聽到佢諗嘅嘢，而呢種洞察力通常會同哈利額頭上疤痕嘅痛楚。羅琳喺一次訪問入面透露，哈利嘅疤痕會喺佛地魔喺附近、活躍或者感受到強烈嘅情緒反應嗰時或者成日會感覺到痛嘅感覺，呢個其實係因為佛地魔嗰塊被韞住嘅靈魂碎片好渴望離開哈利嘅身體，重新咁返到去佢主人嘅靈魂裡面。呢種嚮往亦都係佛地魔喺禁忌森林入面對哈利所施展嘅索命咒將佢體內嘅靈魂碎片確確實實手咁摧毀嘅原因之一，但係咁樣只係會令哈利嘅靈魂陷入去瀕死嘅狀態而唔能夠將佢殺死。

睇埋

• 命匣