自動步槍

自動步槍，指自動上彈、連續開槍、具備全自動射擊能力嘅單兵步槍，通常利用推進彈頭嘅部分氣體或者後座力，一氣呵成恁退殼、上彈同再次開槍。即係話，祇要揸槍嘅人扳著扳機唔放，而支槍又唔羈彈嘅話，支槍就會一直開槍開到無晒彈為止。

自動步槍通常使用高初速嘅中/細口徑步槍子彈。而使用手槍子彈嘅騎兵步槍，後來就逐漸演變成咗衝鋒槍。