碼頭

碼頭，船靠岸，上落客貨之處，會有一啲建設，方便大家。

釋名

舊日碼頭寫做馬頭，只係眾名之一，異字異名繁多，各鄉各例，難以盡錄。單字如步、埗、埔、浦、 埠、渡、津、港，按形亦有橋、棧、堤，亦附有「頭」字，如馬頭、碼頭、步頭、埗頭、埠頭、渡頭，有附「口」字，如渡口、港口。亦有其他如灣泊之所、泊船之地。

埠及異字

廣東地方，起石堤，伸入水中，是為埗。香港地名有埗，就屬依種，如九龍深水埗，大澳石仔埗。所以唐人多用埗，埗頭，到埗，抵埗，就係咁解。查實埗，本字埠。埠有唔坊間俗寫，造字借字都有，如埗、步、埔、浦都係，有船寄椗灣泊嘅城，都泛稱埠，如舊金山大埠，有時甚至與城同義，如華埠。

津

香港戰前九龍城有龍津，大清官員搭船出入九龍寨城之用。而佢起到似橋，所以叫龍津石橋。

馬頭與碼頭

香港地名馬頭角、馬頭圍、馬頭涌，亦係舊日碼頭遺名。

英文

英文碼頭並無總名，碼頭之義附帶特性。

• quay，岸邊碼頭；唐字繙為馬頭、埠頭、碼頭、上落貨之馬頭、舟船載貨卸貨之處、登陸處。文見順岸碼頭。

• 
  慧豐園公眾碼頭
• 

• pier，碼頭伸入水中，用椿或柱；唐字繙為馬頭、埠頭。文見碼頭 (椿柱)。

• 
  沙螺灣碼頭
• 
  天星小輪碼頭
• 

• wharf，可以綁纜泊船，碼頭有空地，裝卸貨、上落客；唐字繙為埠頭、船馬頭、歩、津、馬頭、埔頭、埠頭、碼頭、渡頭、碼頭棧。文見埠。

• 
• 

• jetty，細碼頭伸入海中，有時堤來；唐字繙為馬頭、路頭、埠頭、碼頭。

• 
• 

• berth，泊船位，香港葵涌貨櫃碼頭叫橋；唐字繙為停泊位置、灣泊之所、泊船之地、灣船嗰笪地、灣船嗰處、灣船之所、可停船之所、泊船所、停處、停泊處、寄椗處

• 
• 

• staithe或staith，有臺裝卸貨船，舊時尤其裝煤；唐字繙為裝煤臺、裝煤入輪船之臺、碼頭、跳板
• landing stage，碼頭浮橋；唐字繙為碼頭、浮動碼頭、棧橋
• dock，凹位泊船上落貨；唐字繙為船塢、船埠、碼頭、內灣、停船處、裝卸貨物之船塢、泊船渠、船渠
• port，可以泊船上落貨嘅地方，尤其係城；唐字繙為海口、港口、海門、埠頭、馬頭、河岸、灣船之處、口岸、埠、彎。文見埠頭。
• harbour，有防大浪嘅地方，船可以綁纜岸邊，或者落錨；唐字繙為海門、海口、港口、埠頭、灣、澳、船灣泊處、碇泊所

英文由於各地各例，義有擴大縮細轉移，有時定義會互相矛盾，互相重疊。