曹茂

曹茂係曹操同妻妾趙姬生嘅仔，《三國志》曹操二十五個仔之中排最後嘅仔。

曹熊
樂陵王
私人明細
父	曹操
母	趙姬

一生

建安二十二年（217年）被封萬歲亭侯。二十三年（218年），改封平輿侯。黃初三年（222年），進公爵，徙封乘氏公。七年（226年），徙封中丘公。

佢後生嗰陣唔生性而唔得曹操鍾意，係唯一一個細佬冇被帝兄曹丕封王。太和元年（227年），佢被非親生老母太皇太后卞氏提議帝侄曹叡畀曹茂做王，曹叡嗰陣下詔話曹茂已經改過自新，加上被太皇太后欣慰，被封聊城王。六年（232年）被改封曲陽王。

正始三年（242年），東平靈王曹徽過身，曹茂話佢喉嚨痛唔肯發哀，佢出入自若，好似平常過咁樣，呢事被一部門上奏削一縣，五百戶。五年（244年），被轉封樂陵王，恢復嗮之前嘅削戶，又增多七百戶。

佢有一個庶仔曹竦，封陽都鄉公，出嗣曹茂嘅阿哥相殤王曹鑠。