Achthuûzen
Achthuûzen, aok wel H'achtuûzen, (Nederlands: Achthuizen) is een klein durp in 't oôstelek deel van de gemeente Goereê-Overflakkeê. Het dorp hao 1.120 inweuners in 2023. Tot an 2012 maekende 't deel uut van de gemeênte Oôstflakkee.
Achthuûzen is gin typisch Flakkeês durp. As eênige ist aoltied in meerderheid katholiek 'eweest, al is dat wat verwaeterd de leste jaeren. Waarschienluk ist ontstoô omdat Braebanse seizoenserrebeiers deer bleeve weune.
Voor 1966 was Achthuûzen aoltied verdeeld tussen D'n Bommel en De Plaete. Het durp wier deursneeje deur een diek en de eêne helt horende bie de eêne gemeênte en de aore helt bie de aore gemeênte. Deerom heit 't durp aok gin eige waepen.
De roamse kerreke, Uuze Lieve Vrouwe ten Hemelopnemieng is in 1846 'ebouwd omdat de duchtstbieziende katholieke kerreke in Ouwe Tonge stong. Dat was toch zo een anderhalf tot tweê uur loape. In 1865 kwam 't kloôster der Fransiscanessen nae 't durp. De zusters gavve katholiek ongerwies. Bie de evacuaotie in 1944 binne aolle zusters vertrokke en nie meer vromme 'ekomme. Het klooster doet nu dienst as weunhuus. An de weskant van de kerreke stoôt een pastoorsweuning.
Ten zuujen van Achthuûzen leit 't gehucht De Langstraete.
'Ebore in Achthuûzen
bewerk- Toine van Peperstraten, sportjournalist
- Koos Moerenhout, hardfietser
Lienks nae buten
bewerk
