חיים יוסף גאטליב
הרב חיים יוסף גאָטליב (ה'תקנ"ד - ד' אדר ב' ה'תרכ"ז) באַקאַנט װי דער סטראָפּקאָװער רב איז געװען אב"ד סטראָפּקאָװ (היינט אין סלאוואקיי) און מחבר ספר 'טיב גיטין וקידושין'. ער איז געװען פון די גרעסטע תּלמידים פֿון דעם חתם־סופֿר.[1]
| געבורט |
1794  |
|---|---|
| טויט |
11 מערץ 1867 (אלט 73 בערך) ד' אדר ב' ה'תרכ"ז |
| מדינה | עסטרייכער אימפעריע |
  | |
ר' חיים יוסף איז געבױרן געװאָרן אין טערצאַל, אונגאַרן, צו זיין פאטער רבי יהודה אריה לייב (א משפחה פון רבי יואל גאטליב אב"ד גאלאנטא) און זיין מוטער, אן אייניקל פונעם הייליגן של"ה. ווען ער איז נאך געווען א יינגל האבן זיינע עלטערן געצויגן זיך קיין קראלי, ווען זיין פאטער האט ארענדירט א גרויסן מאיאנטעק פונעם גראף קאראלי.[1]
ער איז געװען דער דיין פֿון טערצאַל אין משך פֿון 25 יאָר. אינעם יאָר ה'תר"א איז ער געװאָרן דער סטראָפּקאָװער רב מיט דער סמיכה פֿון רבי חיים האלבערשטאם, נאָך װאָס דער פֿריערדיקער רב פֿון סטראָפּקאָװ ר' יקותיאל יהודה טייטלבוים איז אױפֿגענומען געװאָרן אַלס רב אין איהעל אינעם יאָר ה'תר"א.
רבי חיים יוסף האט געהייראט בריינדל, די טאכטער פון רבי מאיר ליכטשטיין פון טערצאל. זי איז נפטר געווארן י"ד שבט תר"ח.ער האָט געהאַט פינף זין מיט אײן טאָכטער.
ר' חיים יוסף איז געשטאָרבן ד' אדר ב' ה'תרכ"ז און איז באַגראָבן געװאָרן אין דעם בית־עולם פֿון טיסינעץ װעלכע ליגט הײַנט אין סלאָװאַקיע.
נאָך זײַן פּטירה האָבן זײַנע זין, מנשה און אפֿרים גאָטליב, צװײ צװילינג־ברידער, פּובליקירט זײער טאַטנס ספֿר "טיב גיטין וקידושין", אינעם יאָר ה'תרכ"ח אין אונגוואר.
אין ירושלים אין שכונת בית ישראל איז דאָ אַ שול װאָס הײסט נאָך אים: "ישיבת רבינו חיים יוסף".
ר' נפֿתלי גאָטליב (פֿון זקני חסידי חב"ד, בעל מחבר "תולדות לוי יצחק"), אַן אײניקל פֿון ר' חיים יוסף, האָט געדרוקט אַ ספֿר מיטן נאָמען "ספֿר היחוס" װעלכע באַשרײַבט דעם גאַנצן שטאַם־בױם פֿון ר' חיים יוספ׳ס אײניקלעך.
זיין השפעה
רעדאַקטירןעס ווערט פארציילט אין ספר אל העדרים פון דעם גאון ר' עקיבא יוסף שלעזינגער זצ"ל אז ווען מען האט געמאכט די טיילונג אין אונגארן איז רבי חיים יוסף געזעצן אויבן אן, ער איז דאן געווען דער ראש החבורה וואס האט מסכים געווען אז די פרומע אידן זאלן זיך טיילן זייער קהילה פון די נישט פרומע, אזוי איז געווארן די נעאלאגען, שטאטוס קווא, און די ארטאדאקסיע אין אונגערין.
לײענט מער
רעדאַקטירן- "תולדות איש חי", ברוקלין, תשכ"ב.